Nerve block

نرِوِ ـ بلاڪ

ڪنھن تنت جي چوگرد واري حصي کي انجيڪشن رستي انيسٿيسِيا ھڻي جسم جي ان حصي کي تنت رستي سُن ڪري ڇڏڻ. مثال طور؛ ھٿ جي تريءَ کي سُن ڪرڻ لاءِ ٻانھن ۾ مٿي انجيڪشن رستي انسٿِيسِيا ھڻي النر (ulnar) ۽ ميڊين (median) تنتن کي بيحس ڪري ڇڏڻ. ڪنھن به تنت کي مغزي ڏوري مان نڪرڻ واري ھنڌ تي ئي سُن ڪري سگهجي ٿو جھڙوڪ: اِپيڊيورل انسٿِيسِيا (epidural anaesthesia) عام طور تي ويم وقت استعمال ڪجي ٿي ۽ اسپائينل انسٿِيسِيا (spinal anaesthesia) عام طور تي پيٽ جي ھيٺين حصي ۽ ٽنگن ٻانھن جي آپريشن لاءِ استعمال ڪجي ٿي. ڪاڊل (caudal) واري حصي کي سن ڪرڻ لاءِ انسٿِيشِيا انھن تنتن جي آسپاس ھڻجي ٿي جيڪي مغزي ڏوريءَ جي ھيٺين حصي مان نڪرن ٿيون. جنھن سان ٻنڊڙ ۽ جنسي حصا سُن ٿي وڃن ٿا. پيوڊينڊل (pudendal) تنت کي بي حس ڪرڻ لاءِ انسٿِيشِيا جي انجيڪشن انھن تنتن ۾ ھڻجي ٿي جيڪي نھائين ھيٺان گرڀ ناليءَ جي تري ڏانھن وڃن ٿيون. تنتن کي ان طريقي سان ورلي فورسيپ ڊليوري (forcep delivery) دوران سُن ڪجي ٿو (وڌيڪ ڏسو، anaesthesia, local).