Nasal congestion

ني.زل ـ ڪن.جس.شن

نڪ جي لنگهه جي جزوي طور تي لعابي استر (mucous membrane) جي سوزش سبب بند ٿي وڃڻ. ورلي نڪ جو بند ٿي وڃڻ نڪ جي گهاٽي لعاب جي گڏ ٿي وڃڻ سان گڏ ٿئي ٿو. نڪ جو بند ٿيڻ ڪامن ڪولڊ (common cold، مٿين ساه لنگهه جو ھلڪو انفيڪشن جنھن ۾ نڪ ۽ نڙي مبتلا ٿئي ٿي) ۽ ڪاھي تپ (hay fever) جي نشاني ٿئي ٿي (ڏسو، rhinitis, allergic) ته ڪن دوائن سبب به بند ٿي وڃي ٿو. شديد سائنوسائيٽِس (sinusitis) يا نڪ جي نَڪرن (nasal polyps) سبب دائمي سوڄ رھي ٿي. ٻاڦ ۾ ساه کڻڻ سان لعاب جي پتري ٿيڻ ۾ مدد ملي ٿي جنھن لاءِ ڪنھن گرم پاڻيءَ جي گينڊي ۾ سُرھو تيل جھڙوڪ: مينٿال (menthol) يا يوڪلپٽس (eucalyptus) وجهي ان جي ٻاڦ ڪجهه منٽن لاءِ ساه رستي کڻي سگهجي ٿي. نڪ کوليندڙ دوائون جھڙوڪ: ڦڙا ۽ ڦوھارا (spray) رڳو ڪجهه ڏينھن لاءِ استعمال ڪرڻ گهرجن. جڏھن ته ڊگهي عرصي لاءِ نڪ لاءِ استعمال ٿيندڙ ڪورٽيڪوسٽِيروائڊ (corticosteroid)، سوڊيم ڪروموگليڪيٽ (sodium cromoglicate) ۽ مروج اينٽي ھسٽَمين (antihistamine) دوائون تڪليف گهٽائڻ ۾ اثرائتيون ثابت ٿي سگهن ٿيون. نڪ جي دائمي بند رھڻ جي حالت ۾ ڊاڪٽر کي ڏيکارڻ گهرجي.