Naevus

نِي.وس

ھڪ قسم جو چمڙيءَ جو ڦڙو جنھن جا مکيا ٻه قسم ٿين ٿا: پِگمينٽيڊ نيوي (pigmentes naevi) جيڪي ميلانوسائيٽ (melanocytes، چمڙيءَ جا ميلانن پگمينٽ پيدا ڪندڙ سيل) جي نقص يا گهڻيءَ سرگرميءَ سبب پيدا ٿين ٿا ۽ ويسڪيولر نيوي (vascular naevi) جيڪي رت نلين جي غيرمعمولي گڏ ٿيڻ سبب ٿي پون ٿا. پگمينٽيڊ نيويءَ جا گهڻا عام قسم فريڪلس (freckles)، لينٽيگوس (lentigos) ۽ ڪيفي او لي اسپاٽس (café au lait spots) ٿين ٿا: سج ۾ چمڙيءَ جي وائکي ٿيندڙ ھنڌن تي پيدا ٿيندڙ تراکڙا ناسي ھنڌ. انھن جو ھڪ ٻيو عام قسم ڪو تر (mole) ٿئي ٿو جنھن کي ورلي ميلانوسائيٽ نِيوس (melanocyte naevus) سڏجي ٿو. ورلي حالتن ۾ تر ڪينسري ٿي پون ٿا (ڏسو، melanoma, malignant). جووَينائيل ميلانوسائيٽ (ڏسو، melanoma, juvenile) ڳاڙھا ـ ناسي نيوي (نيوس جو جمع) ٿين ٿا ۽ ٻالڪپڻي ۾ ٿي پون ٿا. بلو نيوي (blue naevi) نوجوان ڇوڪرين ۾ عام ٿين ٿا. گهڻا ڪارا ۽ ايشيائي ٻارڙا، چيلهه جي ھيٺين حصي تي نيرن ڪارن نشانن سان پيدا ٿين ٿا (ڏسو، Mongolian blue spot). پورٽ وائين اسٽينس (Port-wine stains) ۽ اسٽرابيري نشان (strawberry marks) وسڪيولر نيوي (vascular naevi) جا مثال ٿين ٿا (ڏسو، haemangioma and spider naevi). گهڻا نيوي بي مضر ٿين ٿا. تنھن ھوندي به جڏھن ڪو نِيوس اوچتو ظاھر ٿي پوي، واڌ ڪري، رت وھائي يا رنگ مٽائي ته ھڪدم طبي صلاح وٺجي ته جيئن چمڙيءَ جي ڪينسر جي امڪان کان خبردار رھي سگهجي.