Mercury poisoning

مر.ڪيو.رِي ـ پوا.ئزِ.ننگ

پاري جا زھريلا اثر. پاري جي زھر جو ھڪ گهڻو عام ڪارڻ، صنعتي پاڻيٺي پاري مان خارج ٿيندڙ بخارن ۾ ساه کڻڻ ٿئي ٿو. پاري جو ننڍڙو پاڻيٺي مقدار ڳھي وڃڻ سان زھريلو اثر پيدا نٿو ٿئي. پاري جا مرڪب آنڊي رستي جذب ٿيڻ سبب ممڪن ٿئي ٿو ته زھريلا اثر پيدا ڪري وجهن (اوڪارا، الٽي، دست ۽ پيٽ جو سور) يا چمڙيءَ کي متاثر ڪري وجهن (شديد سوزش پيدا ڪن). جسم ۾ داخل ٿيڻ کانپوءِ پارو عضون خاص طور تي مغز ۽ بڪين ۾ گڏ ٿيڻ شروع ٿئي ٿو. مغز ۾ گڏ ٿيڻ سان ساڻائي، بي ربطگي، چڙ، ڏڪڻي ۽ ھٿ پير سُن ڪري سگهي ٿو. سنگين حالتن ۾ ديد متاثر ۽ ڊِمينشيا (dementia) ٿي سگهي ٿي. بڪين ۾ گڏ ٿيڻ سان اڳتي ھلي بڪيون ناڪاره ٿي سگهن ٿيون. علاج ۾، ڪيليٽنگ ايجنٽ (chelating agents) شامل ٿين ٿا جيڪي پاري کي جسم مان خارج ڪرڻ ۾ مدد ڪري سگهن ٿا ۽ ھيموڊائليسس (haemodialysis) ڪرائڻي پوي ٿي (ڏسو، dialysis).