Melanoma, malignant

مي.لا.نوما ـ مي.لِگ.ننٽ

چمڙيءَ جي ٿيندڙ ٽن قسمن جي ڪينسر مان گهڻو سنگين قسم. جن مان ٻه ٻيا بيسل سيل ڪارسينوما (basal cell carcinoma) ۽ اسڪوئيمس سيل ڪارسينوما (squamous cell carcinoma) ٿين ٿا. ميلگننٽ ميلانوما، ميلانوسائيٽ (ميلانن پيدا ڪندڙ سيل) جي ڳوڙھي ٿئي ٿي. ھن قسم جي ڪينسر ٿيڻ جي خطرن ۾ شامل ٿين ٿا: تيز اس ۾ گهڻو وقت وائکو ٿيڻ، ليٽي تڙڪو وٺڻ، چمڙي رنگ جي ھلڪي ھجڻ ۽ اڳ ۾ ئي گهڻن ترن جو موجود ھجڻ. گهڻي ڀاڱي ڳوڙھيون چمڙيءَ جي وائکي ٿيندڙ حصي تي پيدا ٿين ٿيون ته جسم جي ڪنھن به حصي تي پيدا ٿي سگهن ٿيون. عام طور تي ڪا به ميلانوما ڪنھن موجود تر مان اڀري ٿي جيڪو واڌ ڪري، ڳوڙھيءَ جي شڪل وٺي ٿو، رت وھائي ٿو يا مٿس ڇلر پيدا ٿي سگهي ٿو، رنگ تبديل ڪري، بيڊولن ڪنارن سان ٿي سگهي ٿو، ڪنھن ڪڙيءَ (scab) ۾ مٽجي يا خارس پيدا ڪري سگهي ٿو. ورلي، ڪو ميلانوما عام رواجي چمڙيءَ ۾ مٽجي وڃي ٿو. عام طور تي ڳوڙھي جسم جي ٻين پاسن ڏانھن وگهري وڃي ٿي. ان جي تشخيص ڪرڻ لاءِ چمڙيءَ جي بايوپسي (biopsy) ڪجي ٿي ۽ ميلانوما آپريشن رستي ڪڍي ڇڏجي ٿو. ريڊيوٿراپي (radiotherapy) يا ڪينسر ختم ڪندڙ دوائون ڏيڻ به ضروري ٿي سگهن ٿيون.