Maternal mortality

مي.ٽر.نل ـ مور.ٽِ.لٽي

ڪنھن به عورت جو حمل سان لاڳاپيل ڪارڻن/ پيچيدگين يا ويم ڪرڻ جي 42 ڏينھن اندر، ڇڪيءَ اچڻ يا ٻار ڪيرائڻ يا حمل سان لاڳاپيل ڪنھن سبب ڪري فوت ٿي وڃڻ. ماءُ جي موت جي شرح، موت جي ان انگ جي تشريح ڪري ٿي جيڪي رسمي طور تي ھر سال حملن سبب مري وڃن ٿيون. حاملائن جا موت يا ته حمل جي سڌين سنئين پيچيدگين سبب ٿين ٿا يا اڻ سڌيءَ طرح سان حمل جي ڪري طبي حالت بدتر ٿي وڃي ٿي. ان جا سڌا سنوان مکيا ڪارڻ ايمبولزم (embolism، ڪنھن رت نليءَ ۾ ٻنج پيدا ٿيڻ)، اينٽيپارٽم ھيمريج (antepartum haemorrhage، حمل جي اٽڪل 24 ھفتن کانپوءِ رت اچڻ، جنھن سبب ابھم کي اڻپوري رت ملڻ سبب خطري ۾ رھڻ)، پوسٽ پارٽم ھيمريج (postpartum haemorrhage، ٻار ڄمڻ کانپوءِ عام طور تي اؤر واري ھنڌ تان حد کان وڌيڪ رتھير ٿيڻ) ھائپرٽينشن (hypertension)، اِڪليمپسيا (eclampsia، حامله عورتن کي پوندڙ دورا جنھن جون نشانيون ھاءِ بلڊپريشر، مٿي جو سور، ڌنڌلي ديد ۽ ڳڍڙيون ٿين ٿيون) ۽ پيورپيرل سيپسِس (puerperal sepsis، ) ٿين ٿا. اڻ سڌن ڪارڻن ۾ دل جي بيماري، مرگهي (epilepsy) ۽ ڪن قسمن جي ڪينسر شامل ٿئي ٿي.