Lymph node

لِمف ـ نوڊ

ھڪ اھڙو ننڍڙو عضوو جيڪو لِمفَيٽڪي نليءَ جي تري سان ٿئي ٿو (ڏسو، lymphatic system) جنھن کي عام طور تي پر غلط الِمروج لِمف غدود سڏجي ٿو. لِمف نوڊَ سائيز ۾ گهڻا مختلف خوردبينيءَ رستي ڏسي سگهڻ جيترن کان 2.5 س.م جيترا ٿين ٿا. ڪنھن به لِمف نوڊ ۾ ٻاھران ھڪ سنھڙو، تاندوري خول ۽ اندران لِمفَوادي مادو (ٽشو) ٿئي ٿو. خول ۾ گهڙندڙ ڪيتريون ننڍڙيون لِمفي نليون ٿين ٿيون (جيڪي نوڊن ۾ لِمف رسائين ٿيون). ھر نوڊ ۾ سائنسِس (sinuses، وٿيون) ٿين ٿيون جن ۾ لِمف ڇڻبي رھي ٿي. لِمف جڏھن سائنسِس جي سوڙھن لنگهن مان گذري ٿي ته ان جو وھڻ آھستي ٿي وڃي ٿو، آھستي وھڻ سبب ميڪروفيجن (macrophages) کي ايترو وقت ملي وڃي ٿو ته اھي لِمف مان خوردبيني جيوڙا (microorganisms) ڇاڻي وٺن ٿا. لِمف نوڊ جا جرمينل مرڪز رت جا اڇا سيل جن کي لِمفوسائيٽ (lymphocytes) سڏجي خارج ڪن ٿا جيڪي پڻ روڳ کي ختم ڪرڻ ۾ مدد ڪن ٿا. ھڪ وڏيءَ ناليءَ ۾ نوڊ جي لِمف موجود ٿئي ٿي.