Liver cancer

لِو.رـ ڪينسر

جيري جي ڪينسري ڳوڙھي. اھا پرائمري (primary، جيري مان پيدا ٿيندڙ) ته سيڪنڊري (secondary، ڪنھن ٻئي ھنڌان وگهري عام طور تي معدي، لب لبه يا وڏي آنڊي) به ٿي سگهي ٿي.پرائمري ڳوڙھيءَ جا مکيا ٻه قسم ٿين ٿا: ھيپيٽوما (hepatoma) جيڪا جيري جي سيلن ۾ پيدا ٿئي ٿي ۽ ڪولِينجيوڪارسينوما (cholangiocarcinoma) جيڪا پت نالين (bile ducts) جي استر مان پيدا ٿئي ٿي. جيري جي ڪنھن به ڪينسر جي گهڻي عام نشاني بک نه لڳڻ، وزن گهٽجڻ، سستي ۽ ورلي پيٽ جي مٿين ساڄي پاسي ۾ سور ٿئي ٿو. بيماري جي آخري مرحلن ۾ يرقان (jaundice) ۽ جلندر (ascites) ٿي پوي ٿو. عام طور تي ڳوڙھين جي ڄاڻ الٽراسائونڊ اسڪيننگ رستي پوي ٿي ته پڪ جيري جي بايوپسي (liver biopsy) رستي ڪري سگهجي ٿي. ورلي ان جو علاج ھيپيٽوما کي مڪمل طور تي ڪڍي ڇڏڻ ٿئي ٿو. ٻين حالتن ۾ اينٽي ڪينسر (anticancer) دوائن رستي ان جي واڌ روڪڻ ۾ مدد ملي سگهي ٿي. عام طور تي ممڪن نٿو ٿئي ته جيري جي سيڪنڊري ڪينسر جو علاج ڪري سگهجي جڏھن ته ڪن حالتن ۾ ڪنھن اڪيلي وگهر (metastasis) يا جيري جي ڪنھن لوب کي ڪڍي ڇڏڻ جي صلاح ڏني وڃي ٿي.