Leukaemia, chronic myeloid

ليو.ڪِي.ميا ـ ڪرانڪ ـ مايولوائڊ

ليوڪيميا جو ھڪ ورلي ٿيندڙ قسم جنھن کي ڪرانڪ گرينيولوسائيٽڪ ليوڪيميا (chronic granulocytic leukaemia) به سڏجي ان جي ٿيڻ جو ڪارڻ گرينيولوسائيٽن (granulocytes)، نيوٽروفلن (neutrophils) يا پاليمارفونيوڪليئر ليوڪوسائيٽن (polymorphonuclear leukocytes) جي حد کان وڌيڪ پيداوار ٿئي ٿي (ڏسو، blood cells). بيماري ٿيڻ جي ڪارڻ جي ڄاڻ ڪونھي. عام طور تي ھن قسم جي ليوڪيميا جا ٽي مرحلا ٿين ٿا: ڪرانڪ فيز (chronic phase)، ايڪسِيلريٽيڊ فيز (accelerated phase) ۽ اَڪيوٽ فيز (acute phase). ڪرانڪ فيز دوران عام طور تي پيدا ٿيندڙ نشانيون معمولي ٿين ٿيون جن ۾ ھلڪو ٿڪ ۽ وزن جو گهٽجڻ شامل ٿي سگهن ٿا. ايڪسيلريٽيڊ فيز ۾ نشانيون گهڻيون واضح ۽ انھن ۾ ظاھر ٿيندڙ ٿڪ، وزن جي گهٽتائي ۽ پيٽ جو سور ٿي سگهن ٿا. اَڪيوٽ فيز دوران ساڳيون، اڪيوٽ ليوڪيميا واريون نشانيون پيدا ٿين ٿيون (ڏسو، leukaemia, acute). ڪرانڪ مائيلوائڊ ليوڪيميا جي تشخيص رت جي تپاسن ۽ ھڏي جي مک جي بايوپسي (biopsy) رستي ڪجي ٿي. علاج ۾ اسٽيم سيل (stem cell) يا ھڏي جي مک جي پيوندڪاري (bone marrow transplant)، اينٽي ڪينسر دوائون ۽ ممڪن ٿئي ٿو ته رت ڏيڻي پوي (blood transfusion).