Kidney disorders

ڪڊ.ني ـ ڊس.ئارڊرس

بڪيون تمام گهڻن مسئلن ۾ مبتلا ٿي سگهن ٿيون. جيئن ته سٺيءَ صحت قائم رکڻ لاءِ رڳو ھڪ عام رواجي بڪيءَ جو ھجڻ گهربل ٿئي ٿو، تنھنڪري تيستائين ڪا به بيماري زندگيءَ لاءِ موتمار ٿي نٿي سگهي جيستائين ٻنھي بڪين کي متاثر ڪري انھن کي بدتر ڪري نٿي ڇڏي. بڪين جا موروثي نقص جھڙوڪ: ھارس شو ڪڊني (horseshoe kidney) گهڻي عام ٿئي ٿي ۽ عام طور تي بي مضر ٿئي ٿي. سنگين موروثي نقصن ۾ پاليسِسٽڪ ڪڊني ڊزيز (poltcystic kidney disease)، فانڪونيس سنڊروم (Fanconi’s syndrome) ۽ رينل ٽيوبيولر ايسِيڊوسس (renal tubular acidosis) ٿين ٿا. بڪين جون رت نليون سڪتي (shock)، ھيمولائيٽڪ ـ يوريمِڪ سنڊروم (haemolytic-uraemic syndrome)، پالي آرٽيرائيٽس نوڊاسا (polyarteritis nodosa)، ڊائبِيٽيز ميلائيٽس (diabetes mellitus) ۽ سِسٽيمڪ لُوپس اَريٿيميٽوسس (lupus erythematosus) سبب تباه ٿي سگهن ٿيون. ڇاڻ گهر سوزشي ٿي سگهن ٿا (ڏسو، glomerulonephritis). دوائن سبب پيدا ٿيندڙ الرجيءَ جا ردعمل، سور گهٽائيندڙ دوائن رستي ڊگها علاج ۽ ڪن قسمن جون اينٽيبياٽڪ (antibiotics) دوائون بڪين جي نلين کي ناس ڪري سگهن ٿيون. بڪين جون اَڪينسري ڳوڙھيون (tumour) بڪيءَ جي ڪينسر (kidney cancer) جيان ورلي پيدا ٿين ٿيون. ميٽابولي نقص جھڙوڪ: ھائپريورِيسيميا (hyperuricaemia) بڪين جو پٿريون پيدا ڪري سگهن ٿيون (ڏسو، calculus, urinary tract). بڪيءَ جي روڳ کي پائِيلونيفرائيٽِس (pyelonephritis) سڏجي ٿو. ھيڊرونيفروسس (hydronephrosis) ٿيڻ جو ڪارڻ پيشاب نليءَ ۾ رڪاوٽ ٿئي ٿي. ڪرش سنڊروم (crush syndrome) ۾ بڪين جي ڪم ۾ ان سبب خلل پيدا ٿئي ٿو ته تباه ٿيل مشڪن مان پروٽينون رت ۾ خارج ٿين ٿيون. بڪيءَ جي تباه ٿيڻ ۽ ان جي متاثر ڪرڻ جو ھڪ ڪارڻ ھائپرٽينشن (hypertension) به ٿي سگهي ٿو. بڪيءَ کي تباه ڪرڻ جي ٻين سنگين مسئلن ۾ نيفروٽڪ سنڊروم (nephrotic syndrome) ۽ بڪيءَ جو ناقص ٿي وڃڻ (kidney failure) شامل ٿين ٿا.