Kidney cancer

ڪڊ.ني ـ ڪينسر

بڪيءَ جي ڪا به ڪينسري ڳوڙھي. بڪيءَ جي گهڻي ڪينسر بڪيءَ مان ئي پيدا ٿئي ٿي. جڏھن ته ورلي، ڪنھن ٻئي عضوي مان به ڪينسر وگهري بڪيءَ تائين رسي وڃي ٿي. بڪيءَ جي ڪينسر جا مکيا ٽي قسم ٿين ٿا. انھن ۾ ھڪ گهڻي عام رينل سيل ڪارسينوما (renal sell carcinoma) عام طور تي 40 سالن کان وڏيءَ عمر جي فردن ۾ ٿئي ٿي. نيفروبلاسٽوما (nephroblastoma/Wilms’ tumour) تيزيءَ سان واڌ ڪندڙ ڳوڙھي ٿئي ٿي جيڪا گهڻي ڀاڱي 5 سالن کان ننڍيءَ عمر جي ٻارڙن کي ٿئي ٿي. ٽرانزيشنل سيل ڪارسينوما (transitional cell carcinoma)، رينل پيلوس جي سيلن جي استر مان پيدا ٿئي ٿي، تماڪ ڇڪيندڙ ۾ گهڻي عام ٿئي ٿي يا انھن ۾ جيڪي ھڪ ڊگهي وقت کان سور گهٽائيندڙ (analgesics) دوائون استعمال ڪندڙ ٿين ٿا. بڪيءَ جي ڪينسر جون مختلف نشانيون ٿين ٿيون. اوائل ۾ بنا نشانين جي ٿين ٿيون جڏھن ته اڳتي ھلي پيشاب ۾ رت اچي سگهي ٿي. بڪيءَ جي سڀني قسمن جي ڪينسر جي حالت ۾ متاثر بڪي کي آپريشن رستي ڪڍي ڇڏڻو پوي ٿو ته ورلي، ان سان گڏ گردي جي نلي (ureter) ۽ مثاني جو ڪجهه حصو به. ريڊيوٿراپي (radiotherapy) يا ڪيموٿراپي (chemotherapy) به ڪري سگهجي ٿي. جيڪڏھن بڪيءَ کي خارج ڪري سگهڻ ممڪن نٿو ٿئي ته ان جي ٻين مکيارين ۾ ايمبُولائيزيشن (embolization)، ريڊيوٿراپي (radiotherapy)، ڪيموٿراپي ()chemotherapy ۽ بائلاجيڪل ٿراپي (biological therapy) ڪجي ٿي. بڪيءَ جي ڪينسر تڏھن موتمار ٿي سگهي ٿي جڏھن ان جي علاج شروع ڪرڻ کان اڳ ۾ اھا ٻين عضون ڏانھن وگهري ويئي ھجي.