Immunoglobulin injection

(اِمُيو.نو.گِلو.بيو.لِن ـ ان جي ڪشن

انفيڪشنن/ روڳن جي بچاءَ يا علاج لاءِ تيار ڪيل اِميونوگلوبيولن (اينٽيباڊيون) ھڻڻ. انھن کي اِميونگلوبيولن (immune globulin) يا گاماگلوبِيولِن (gammaglobulin) به سڏجي ٿو، جن جون اينٽيباڊيون انھن ماڻھن جي رت مان حاصل ڪيون وڃن ٿيون جيڪي اڳ ۾ ئي انھن بيمارين ۾ وائکا ٿي چڪا ھوندا آھن. انھن ان جي ڪشنن جو مکيو استعمال نون ڄاول ٻارڙن کي، رِيوسِس اِنڪامپيٽِيبلٽِيءَ (Rhesus incompatibility) سبب پيدا ٿيندڙ ھيمولائيٽڪ (haemolytic) بيماريءَ ۽ انھن ماڻھن کي وچڙندڙن بيمارين جھڙوڪ: لاکڙي (chickenpox) کان بچائڻ ٿئي ٿو جن جو ان کان اڳواٽ تحفظ ناھي ھوندو يا خاص خطري ۾ ھوندا آھن (مثال طور؛ ڪينسر جي علاج دوران). تن کي پڻ باقاعدگيءَ سان ڏني ويندي آھي جيڪي اِميونوڊيفيشنسي ڊسئارڊر (immunodeficiency disorder) ۾ مبتلا ٿين ٿا. ھن جي اُگرن اثرن ۾ چمڙيءَ جا ڳاڙھا نشان، بخار ۽ سور ۽ ان جي ڪشن لڳڻ واري ھنڌ جو حساس ٿيڻ شامل ٿين ٿا.