Hydronephrosis

ھاءِ..ڊِرو.نيف.روسِس

پيشاب لنگهه (urinary tract) ۾ رڪاوٽ سبب بڪي جو پيشاب سبب سڄي وڃڻ. ڪيترن ماڻھن ۾ ھيڊِرونيفروسِس سان گڏ پيدائشي طور تي گردي جي نلي(ureter) سوڙھي ھجي ٿي جنھن ۾ رڪاوٽ پٿريءَ (ڏسو، calculus, urinary tract) ، بڪيءَ جي ڳوڙھيءَ (kidney tumour)، يا رت جي دڳ سبب به پيدا ٿي سگهي ٿي. ورلي، ھيڊِرونيفروسِس جو پيدا ٿيڻ پيشاب جو مثاني مان پراسٽيٽ جي وڌي وڃڻ سبب به ٿي سگهي ٿو (ڏسو، prostate, enlarged). اَڪيوٽ ھيڊرونيفروسس سان گڏ پيشاب نليءَ جو اوچتو ٻنججي وڃڻ چڏي ۾ شديد سور پيدا ڪري ٿو. ڪرانڪ ھيڊِرونيفروسس جنھن ۾ ٻنج آھستي آھستي پيدا ٿئي ٿي ممڪن ٿئي ٿو ته تيستائين ڪي به نشانيون پيدا نه ڪري جيستائين مڪمل ٻنج پيدا ٿي بڪيون بيڪار (kidney failure) نه ڪري ڇڏي. جيڪڏھن ٻنج آپريشن رستي ختم ڪري سگهجي ته بڪيون وري عام رواجي طريقي سان ڪم ڪرڻ شروع ڪري سگهن ٿيون. جڏھن ته ورلي، ڪا بڪي ايتري ته خراب طريقي سان ناقص ٿي وڃي ٿي جو ان کي خارج ڪرڻو پوي ٿو (ڏس، nephrectomy).