Hydrocephalus

ھاءِ.ڊرو.سيفي.لس

عام طور تي، کوپريءَ ۾ سيريبرواسپائينل (cerebrospinal) پاڻيٺ جو حد کان وڌيڪ مقدار جو وڌيل دٻاءَ سان ھجڻ. ڄمڻ وقت اھا حالت ٻين نقصن جھڙوڪ: اِسپِينا بفيڊا (spina bifida) سان گڏ موجود ٿي سگهي ٿي يا مٿي جي وڏيءَ ضرب، دماغ ۾ رتھير ٿيڻ (haemorrhage)، روڳ (جھڙوڪ: meningitis) يا ڪنھن ڳوڙھيءَ سبب پيدا ٿي سگهي ٿي. پيدائشي (congenital) ھيڊروسِيفيلَس جي حالت ۾ ان جي مکيو نشاني مٿي جو وڏو ھجڻ ٿئي ٿو جيڪو لاڳيتو تيزيءَ سان واڌ ڪندو رھي ٿو، ٻيون نشانيون ٽنگن جي سختي، الٽي، مرگهي (epilepsy)، توائي، سستي ۽ عام رواجي رفليڪس ايڪشنن (reflex actions) جو نه ھجڻ ٿئي ٿو. جيڪڏھن علاج نه ڪجي ته ھيڊروسِيفيلَس بدتر ٿي دماغ کي شديد نقصان پھچائي ٿو جنھن سبب ھفتن اندر موت اچي سگهي ٿو. جيڪڏھن اھا حالت زندگيءَ ۾ اڳتي ھلي پيدا ٿئي ته ان جون نشانيون مٿي جو سور، الٽي، ربط جي کوٽ ۽ دماغي ڪم جو بگاڙ پيدا ٿئي ٿو. ڪيترين حالتن ۾ ھيڊروسِيفيلَس جو علاج دماغ مان پاڻيٺ کي جسم جي ٻين حصن جھڙوڪ: پيٽ ڏانھن وھائڻ ٿئي ٿو جتي اھو جذب ٿي وڃي ٿو.