Hookworm infestation

ھُڪ ـ ورم ـ اِن.فيسٽ. يشن

ننڍي آنڊي جي ڪينئن جي بيماري جنھن ۾ ننڍڙا، گول، رت پيئندڙ ڪينئان جيڪي يا ته نيڪيٽر اَميريڪنس (Necator americanus) يا اينڪيلاسٽوما ڊِيوڊِينيل (Ancylostoma duodenale) اسپيشيز سان واسطو رکندڙ موجود ھجن ٿا. عام طور تي ھڪ وَرم جي بيماري استوائي ھنڌن تي ٿئي ٿي. ھڪورم ڪينئين جي لاروي (larvae) جسم ۾ پير جي چمڙيءَ يا کاڌي پيتي رستي داخل ٿئي ٿي. سڄي جسم جو سفر ڪري آخر ۾ ننڍي آنڊي ۾ اچي بالغ ٿئي ٿي. بالغ ڪينئان آنا لاھين ٿا جيڪي ڪرفتيءَ رستي جسم کان ٻاھر اچن ٿا. جڏھن لاروي چمڙيءَ ۾ گهڙي وڃي ٿي ته پير ۾ ان ھنڌ تي ھڪ ڳاڙھو خارسي نشان پيدا ٿئي ٿو. ھلڪي انفيسٽيشن جي حالت ۾ ان جي وڌيڪ نشاني پيدا نه به ٿي سگهي ٿي. گهڻي انفيسٽيشن جي حالت ۾ لارويءَ جي ڦڦڙن مان منتقلي کنگهه ۽ نمونيا پيدا ڪري سگهي ٿي ته آنڊن ۾ موجود بالغ ڪينئان بي آرامي پيدا ڪري سگهن ٿا. انھن جو پيدا ٿيندڙ ھڪ اھم مسئلو، رت جي ضايع ٿيڻ سبب فولاد بنا رت جي پوڻائيءَ جو پيدا ٿيڻ ٿئي ٿو. تشخيص لاءِ ڪرفتيءَ جي خوردبين چڪاس ڪري منجهس ڪينئن جا آنا ڏسجن ٿا. اينٿيلِمنٽڪ (anthelmintic) دوائن جي استعمال سان ڪينئان مري وڃن ٿا (وڌيڪ ڏسو، larva migrans).