Hirschsprung’s disease

ھرش.اس.پرنگس ـ ڊزيز

ھڪ پيدائشي نقص جنھن ۾ سفرو (rectum) ۽ ورلي وڏي آنڊي جو ھيٺيون حصو انھن گينگليان سيلن کان ڪورا ھجن ٿا جيڪي آنڊي جي تال ۾ ڪوءَ ڪرائين ٿا. نتيجي ۾ متاثر حصو سوڙھو ٿي ۽ ڪرفتيءَ جي مواد کي نيڪال ٿيڻ ۾ روڪ پيدا ڪري ٿو. ٿلهي ليکي، ھيءَ بيماري گهٽ ۽ خاندانن ۾ ھلندي رھي ٿي. اٽڪل چئوڻ تي ڇوڪرن ۾ گهڻي ٿئي ٿي ۽ ڊائونس سنڊروم ۾ مبتلا فردن ۾ نسبتا وڌيڪ ٿئي ٿي. نشانين ۾ قبضي ۽ پيٽ بميل ھجڻ جو احساس عام طور تي زندگيءَ جي پھرين ھفتن دوران شروع ٿئي ٿو جيڪو ابھمپڻي يا اوائلي ٻالڪپڻي ۾ واضح ٿي پوي ٿو. عام طور تي ٻالڪ کي گهٽ بک لڳي ٿي ۽ ممڪن ٿئي ٿو ته درست طريقي سان واڌ ڪري نه سگهي. بيريم ايڪسري (barium X-ray examination) تپاس رستي سوڙھي ٿي ويل آنڊي جي حصي جي ڄاڻ رکي سگهجي ٿي. بايوپسي (biopsy) به ڪري سگهجي ٿي. ھرشئِسپرنگ بيماريءَ جي علاج طور متاثر ٿيل سوڙھو ٽڪرو خارج ڪري عام رواجي آنڊي کي سفري سان ملائي ڇڏجي ٿو.