Herpes, genital

ھر.پيزـ جَين.ي.ٽل

ھڪ جنسي وچڙندڙ روڳ (sexually transmitted infection) جيڪو ھڪ قسم جي ھرپيز سِمپليڪس (herpes simplex) وائرس سبب ٿي پوي ٿو جيڪو HSV2 نالي سان مشھور آھي. ان جي اٽڪل ھڪ ھفتي جي انڪيوبيشن پيرڊ (نسرڻ جي عرصي) کانپوءِ وائرس جنسي حصن تي سور، ساڙو، خارس ۽ ننڍڙا ڦلوڪڻا پيدا ڪري سگهي ٿو. واتوڻي فعل (oral sex) سبب وات ۾ ڦلوڪڻا پيدا ٿي سگهن ٿا. ڦلوڪڻا ڦاٽي السر جا ننڍڙا تڪليف ڏيندڙ ڦٽ پيدا ڪن ٿا جيڪي 10 کان 21 ڏينھن اندر ڇٽي سگهن ٿا. چڏي جون ويلڻون (lymph nodes) سڄي، سور پيدا ڪري سگهن ٿا (ويلڻ اٿلي پون ٿا) ۽ مٿي جو سور ۽ بخار ٿي سگهي ٿو. جڏھن ته ڪن فردن ۾ ظاھري طور تي ڪي به نشانيون پيدا ٿي نه به سگهن ٿيون. جينائيٽل ھرپيز ڇٽي نٿي سگهي جڏھن ته علاج رستي تڪليف جي شدت گهٽائي سگهجي ٿي. اينٽيوائرل (antiviral) دوائون جھڙوڪ: ايسيڪلووير (aciclovir) السر جي تڪليف گهٽائي ۽ ڇٽڻ جي عمل کي تيز ڪري سگهن ٿيون. ٻين اپائن ۾ اينلجيسڪ (analgesic) دوائون کائڻ ۽ لوڻ جي پاڻيءَ ۾ وھنجڻ ٿئي ٿو.