Hepatitis chronic

ھي.پي.ٽاءِ.ٽِس ـ ڪِرانڪ

جگر (liver) جي ڊگهي عرصي تائين رھندڙ سوزش. جيڪا اڳتي ھلي اسڪار (scar) ٽشو پيدا ڪري ٿي جيڪو جيري جي سِراسس (cirrhosis) ۽ پورٽل ھائپرٽينشن (portal hypertension) ۾ مٽجي وڃي ٿو. اڳتي ھلي اڪيوٽ ھيپيٽائيٽس ڪرانڪ ھيپيٽائيٽس ۾ مٽجي سگهي ٿي (ڏسو، hepatitis, acute) ته آٽواِميون ڊسئارڊر (autoimmune disorder) جي نتيجي ۾ به پيدا ٿي سگهي ٿي، ڪنھن وائرسي روڳ (ڏسو، hepatitis viral)، ڪن قسمن جي دوائن جي ردعملن يا گهڻو ورلي ڪنھن ميٽابولي نقص (metabolic disorder)جھڙوڪ: ھيموڪروميٽوسس (haemochromatosis) يا ولسنس ڊزيز (Wilson’s disease) سبب ٿي سگهي ٿي. ڪرانڪ ھيپيٽائيٽس ھلڪو ٿڪ يا ڪا تڪليف بلڪل پيدا نٿي ڪري. ھن بيماريءَ جي تشخيص جيري جي بايوپسي (biopsy) رستي ڪجي ٿي. آٽواِميون ھيپيٽائيٽس جو علاج ڪورٽيڪوسٽِيروائڊ (corticosteroids) ۽ اِميونوسَپريسنٽ (immunosppresants) دوائن رستي ڪجي ٿو. عام طور تي وائرسي روڳ انٽرفيران جي موٽ ڏين ٿا. جڏھن بيماريءَ جو ڪارڻ دوا ھجي تڏھن دوا بند ڪرڻ سان بحالي ٿيڻ شروع ٿئي ٿي. ميٽابولي خلل جي حالت ۾ علاج جو مدار اصل ڪارڻ تي ٿئي ٿو.