Hepatitis B

ھي.پي.ٽاءِ.ٽِس ـ بِي

ھيپٽائيٽس بِي وائرس (virus) سبب ٿي پوي ٿي. ھي وائرس رت، رت جي جزن يا حصن يا جسماني پاڻيٺن رستي ھڪ ٻئي جي ساڳين سين، متاثر فرد کان رت وٺڻ يا ان سان جنسي تعلق رکڻ سان پکڙجي ٿو. ھن وائرس جي اسرڻ جو عرصو (incubation peroid) 1 کان 6 مھينا ٿئي ٿو ان کانپوءِ اوچتو مٿي جي سور، بخار ۽ يرقان (jaundice) جون نشانيون پيدا ٿي پون ٿيون. ڪيترا فرد ٺيڪ ٿي وڃن ٿا. جڏھن ته ھيپيٽائيٽس بِي موتمار ٿي سگهي ٿي. ھيپيٽائيٽس بِي وائرس جي وچڙڻ جي گهڻي خطري ۾ رھندڙ فرد جھڙوڪ: ھيلٿ ورڪر يا وزِيٽر جيڪي اھڙن ھنڌن تي ڪم ڪن ٿا جتي ھيپيٽائيٽس بي موجود ٿئي ٿي تن کي ٽڪا لڳرائڻ/ اِميونائيزيشن (immunization) ڪرائڻ جي صلاح ڏجي ٿي. اٽڪل 5 سيڪڙو ڪيسن ۾ وائرس سوزش پيدا ڪندو رھي ٿو ۽ روڳ ٿيڻ جي 6 مھينن کانپوءِ به رت ۾ ڏسي سگهجي ٿو. جيڪي فرد لاڳيتو ھن روڳ ۾ مبتلا رھن ٿا اھي ڊگهي عرصي دوران جيري جي ڪينسر (liver cancer) ۽ سِروسس (cirrhosis، جيري جي سوڪھڙي) ٿيڻ جي خطري ۾ رھن ٿا، انھن جو اينٽي وائرل (antiviral) دوائن يا انٽرفيران (interferon) سان علاج ڪري سگهجي ٿو. جڏھن ته علاج سان روڳ ختم ٿي نٿو سگهي تنھنڪري اھڙا فرد پوءِ به ٻين ۾ روڳ ڦھلائي سگهن ٿا.