Hepatitis, acute

ھي.پي.ٽاءِ.ٽِس ـ اَڪيوٽ

جيري (liver) جي مختصر عرصي لاءِ سوزش. ڪن حالتن ۾ اڪيوٽ ھيپيٽائيٽس ممڪن ٿئي ٿو ته ڪرانڪ ھيپيٽائيٽس ۾ تبديل ٿي وڃي (ڏسو، hepatitis, chronic) جڏھن ته عام طور تي جيري جي گنڀير ناقصيت پيدا ڪري وجهي ٿي. اڪيوٽ ھيپيٽائيٽِس چڱيرڙي عام ٿئي ٿي. جنھن جو گهڻو عام ڪارڻ ڪنھن قسم جي ھيپيٽائيٽس وائرس (ڏسو، hepatitis, viral ) ۾ مبتلا ٿيڻ ٿئي ٿو جڏھن ته اھا ٻين روڳن جھڙوڪ: سائِيٽوميگالو وائرس (cytomegalovirus) يا گلينڊيولر فيور (glandular fever) سبب به ٿي پوي ٿي (ڏسو، mononucleosis, infectious). پيراسيٽامول (paracetamol) جي گهڻي وزن کائڻ يا زھريلن ڪيميائي مادن ۾ وائکي ٿيڻ سميت الڪوحل سبب به ٿي پوي (ڏسو، liver disease, alcohol). جڏھن ته ڪن حالتن ۾ ڪنھن به ڪارڻ جي شناخت ڪري نٿي سگهجي. ھن جون نشانيون تمام گهٽ ۽ معمولي کان شديد ٿين ٿيون جن ۾ سور، بخار ۽ يرقان ٿئي ٿو. رت جي تپاسن سميت لِور فنڪشن ٽيسٽ (liver function test) ڪجن ٿيون. ڪيترين حالتن ۾ قدرتي طور تي ڪجهه ھفتن ۾ نوبنائپ ٿي وڃي ٿي. جيڪڏھن بيماري ڪنھن ڪيميائي مادي يا دوا سبب ٿي ٿي تڏھن ڪنھن ترياق استعمال ڪرڻ سان زھر جو اثر زائل ڪري سگهجي ٿو. جگر جي شديد لهسجڻ جي حالت ۾ انتھائي نگهداشست (intensive care) ڪرڻي پوي ٿي. ورلي ڪو جگر جي پيوندڪاريءَ (liver transplant) رستي زندگي بچائڻ جي ضرورت پوي ٿي. مڙني حالتن ۾ الڪوحل کان پرھيز ڪرڻي پوي ٿي.