Heart valve

ھارٽ ـ وال

دل جي ڀانڊي جي منھن وٽ ھڪ اھڙي بناوت جيڪا رت کي ڀانڊي کان ٻاھر ته وھڻ ڏئي ٿي پر واپس ٿيڻ نٿي ڏئي. دل جا چار وال ٿين ٿا: ايئورٽڪ (aortic)، پلِمونري (pulmonary)، مائٽرل (mitral) ۽ ٽرائِڪسپڊ (tricuspid). دل جي ھر سائيڪل/ ڦيري سان انھن جو کلڻ ۽ بند ٿيڻ، دل جا آواز (heart sounds) پيدا ڪري ٿو. دل جو ڪو به وال اِسٽينوسس (stenosis، سوڙھائپ) سبب متاثر ٿي سگهي ٿو جنھنڪري دل کي سختيءَ سان ڪم ڪري رت کي دل مان گذارڻو پوي ٿو يا اڻ اثرائتي يا اڻپوري طريقي سان جنھن سبب وال، رت جو بيڪ فلو روڪي نٿو سگهي نتيجي ۾ دل جي مر مر (mur mur) پيدا ٿئي ٿي. دل جي وال جا نقص ڄمڻ وقت به موجود ٿي سگهن ٿا (ڏسو، heart disease, congenital) يا زندگيءَ ۾ اڳتي ھلي پيدا ٿي سگهن ٿا. ڄمڻ وقت والن جا گهڻا عام موروثي نقص ٿين ٿا: ايئورٽڪ اسٽِينوسس (aortic stenosis) ۽ پلِمونري اسٽِينوسس (pulmonary stenosis). جڏھن ته دل ـ وال جون عام طور تي پرايل بيماريون ڪِن بگاڙ پيدا ڪندڙن تبديلين يا اِسڪيميا (ischaemia) بيمارين جي دل جي ڪنھن حصي کي متاثر ڪري ايئورٽڪ اسٽِينوسس يا مائٽرل اِنڪامپيٽينس (mitral incompetence) جي صورت ۾ ظاھر ٿي پون ٿيون. رِيوميٽڪ فيور (rheumatic fever) مائٽرل اسٽينوسِس (mitral stenosis)، مائٽرل اِنڪامپيٽينس، ايئورٽڪ وال ڊفيڪٽَ، ٽرائڪسپڊ اسٽينوسِس (tricuspid stenosis) ۽ ٽرائڪسپڊ اِنڪامپيٽينس (tricuspid incompetence) پيدا ڪري سگهن ٿا. جڏھن ته دل جا وال بيڪٽيريل اينڊوڪارڊائيٽس (endocarditis) سبب به تباه ٿي سگهن ٿا. عام طور تي دل ـ وال نقص ھرٽ فيلوئر (heart failure)، ارِڌمياس (arrhythmias) يا جسم کي گهٽ ملندڙ رت جي رسد سبب پيدا ٿيندڙ تڪليفن جي صورت ۾ ظاھر ٿين ٿا.دل ـ وال نقص آسڪلٽيشن (auscultation)، ڇاتيءَ جي ايڪسري (X-ray)، اي سي جي (ECG) يا اِڪوڪارڊيوگرافيءَ (echocardiography) رستي تشخيص ته ھرٽ ـ وال سرجريءَ رستي درست ڪري سگهجن ٿا.