Heart failure

هرٽ فيليئور

Heart failure

Heart failure

ھارٽ ـ فيل.وئر

دل (heart) جو ان لائق نه ھجڻ ته رت کي ڦڦڙن ۽ باقي سڄي جسم ڏانھن گردش ڪرائڻ جو ڪم ڪري سگهي. دل جو ناڪاره ٿيڻ اصل ۾ دل جي کاٻي يا ساڄي پاسي کي متاثر ڪري سگهي ٿو، جڏھن ته مکيو طور تي ٻنھي پاسن کي متاثر ڪري ٿو، جنھن سبب عام طور تي ان کي ڪنجِسٽو (congestive) يا ڪرانڪ (chronic) ھرٽ فيلوئر سڏجي ٿو. دل جي کاٻي پاسي جو ناڪاره ٿيڻ جو ڪارڻ ھائپرٽينشن (hypertension)، اَنيمِيا (anaemia)، ھائپرٿائروائڊزم (hyperthyroidism)، دل جي ڪنھن وال جو نقص (جھڙوڪ: aortic stenosis, aortic incompetence or mitral incompetence) يا ڪنجينائيٽل ھرٽ ڊفيڪٽ (ڏسو، heart disease, congenital ) ٿي سگهن ٿا. دل جي کاٻي پاسي جي ناڪاره ٿيڻ جا ٻيا ڪارڻ ڪورونري آرٽري ڊزيز (coronary artery disease)، مايوڪارڊيئل انفارڪشن (myocardial infarction)، ڪارڊيئڪ اَرِڌمياس (cardiac arrhythmias) ۽ ڪارڊيوماياپيٿي (cardiomyopathy) ٿين ٿا. دل جي کاٻي پاسي جي ناڪاره ٿيڻ ۾ دل ھر ڀيري جي ڀيڪوڙ سان مڪمل طور تي خالي ٿي نٿي سگهي يا ڦڦڙن کان واپس ايندڙ رت حاصل ڪري نٿي سگهي جنھن سبب رھجي ويل رت بيڪ پريشر پيدا ڪرڻ سبب ڦڦڙ رت سان ڏٽجي وڃن ٿا. اھڙي حالت پلِمونري ايڊيما (pulmonary oedema) پيدا ڪري سگهي ٿي. دل جي ساڄي پاسي جي ناڪاره ٿيڻ جو گهڻو عام ڪارڻ پلِمونري ھائپرٽينشن (pulmonary hypertension) ٿئي ٿو جيڪو پڻ دل جي کاٻي پاسي جي ناڪاره ٿيڻ سبب يا ڦڦڙ جي بيماري جھڙوڪ: پراڻيءَ آبسٽرڪٽو پلِمونري ڊزيز (ڏسو، pulmonary disease, chronic obstructive) سبب ٿي پوي ٿو. ساڄي پاسي جي ناڪاري دل جي ڪنھن وال جي نقص ڪري به پيدا ٿي سگهي ٿي جھڙوڪ: ٽرائڪسپڊ اِنڪامپِيٽينس (tricuspid incompetence) يا ڪو پيدائشي نقص. دل جي ساڄي پاسي ناڪاره ٿيڻ سان رت جي گردش ۾ دل کان وينس سسٽم ۾ بيڪ پريشر پيدا ٿيڻ جي نتيجي ۾ ڳچيءَ جون نسون سڄائي، جيرو ڦوڪائي ۽ خاص طور تي ٽنگن ۽ مَرن جي ايڊيما (odema) پيدا ڪري سگهي ٿو. ممڪن ٿئي ٿو ته آنڊا ڳتجي وڃن ۽ اھنج پيدا ڪري وجهن. علاج جو مدار، اصلي ڪارڻ تي ٿئي ٿو جڏھن ته ان لاءِ ڊائِيوريٽڪ (diuretic)، اي سي اِي انھبٽر (ACE inhibitor)، بيٽا بلاڪر (beta-blocker)، ڊِجيٽيلس (digitalis) دوائون ۽ آڪسيجن شامل ٿي سگهي ٿي. کاٻي پاسي جي شديد فيلوئر ھڪ ھنگامي حالت سمجهي وڃي ٿي ۽ ان لاءِ اسپتال ۾ ترت علاج شروع ڪرڻو پوي ٿو.