Heart disease, congenital

ھارٽ ـ ڊزيز ـ ڪن.جيني.ٽل

دل جو ڪو به اھڙو نقص جيڪو پيدائشي موجود ھجي. اھڙا نقص دل جي خانن، والن (valves) يا مکيو رت نلين کي متاثر ڪري سگهن ٿا. وڏا نقص سيپٽل ڊفيڪٽ (septal defects)، ڪوئارڪٽيشن آف د ايئورٽا (coarctation of the aorta)، ٽرانسپوزيشن آف د گريٽ ويسلس (transportation of the great vesels)، پيٽنٽ ڊَڪٽس آرٽِيريوسِس (patent ductus arteriosus)، ٽيٽرالوگي آف فالو (tetralogy of Fallot)، ھائپوپلاسٽڪ ليفٽ ھرٽ سنڊروم (hypoplastic left heart heart syndrome)، پلِمونري اسٽينوسِس (pulmonary stenosis) ۽ ايئورٽڪ اسٽينوسِس (aortic stenosis) ٿين ٿا. اوسر جا واڌ ڪندڙ نقص ٻچي (embryo) جي اوائلي زندگيءَ ۾ پيدا ٿين ٿا. گهڻين حالتن ۾ انھن جي پيدا ٿيڻ جي ڪارڻ جي ڄاڻ ڪونھي. نشانين يا تڪليفن جي پيدا ٿيڻ جي شدت، نقص تي مدار رکي ٿي. ڪن نقصن سبب نيرو ٿي وڃڻ (cyanosis) ۽ ساه جي مونجهه پيدا ٿي پوي ٿي ته ڪن جي کڙڪ پئجي نٿي سگهي. دل جي ڪنھن علاج نه ٿيندڙ نقص جي پيچيدگين ۾ واڌ جو نقص، نمونيا (pneumonia) جنھن جا ڪارڻ معمولي ساه سرشتي جا روڳ، ڪسرت دوران ترت ٿڪجي پوڻ ۽ آئزينمينگر ڪامليڪس (Eisenmenger complex) شامل ٿين ٿا.