Heart block

ھارٽ ـ بلاڪ

دل جي ڌڙڪي (heartbeat) جو ھڪ نقص جنھن جو ڪارڻ اِمپلسز جي راه ۾ دل جي ڪنڊڪٽنگ سرشتي ۾ مداخلت جو پيدا ٿيڻ ٿئي ٿو. ھرٽ بلاڪ جا ڪيترائي درجا ٿين ٿا جنھن ۾ ايٽريا (ڏسو، atrium) ۽ وينٽريڪلن (جنھن کي prolonged P-R interval سڏجي) جي ڪوئجڻ جي وچواري عرصي ۾ معمولي دير کانوٺي مڪمل ھرٽ بلاڪ به ٿي سگهي ٿي جنھن ۾ ايٽريا ۽ وينٽريڪل ھڪ ٻئي کان خود مختيار ڌڙڪن ٿا. ھرٽ بلاڪ ٿيڻ جا ڪورونري آرٽري ڊزيز (coronary artery disease)، مايوڪارڊائيٽس (myocarditis) ڊجيٽيلس دوائن (digitalis drugs) جو حد کان وڌيڪ وزن يا ريوميٽڪ فيور (rheumatic fever) جھڙو ڪارڻ ٿي سگهي ٿو. ڊگهي پي ـ آر انٽرول سبب ڪي به نشانيون پيدا نٿيو ٿين. گهڻي شديد ھرٽ بلاڪ جي حالت ۾ ڪسرت ڪرڻ جي موٽ ۾ وينٽريڪيولر ڪوءَ جي رفتار ۾ واڌارو نٿو ٿئي. پر ھرٽ فيلوئر (heart failure) سبب ساه جي مونجهه يا اَنجائنا پيڪٽورس (angina pectoris) سبب ڇاتيءَ جو سور پيدا ٿي سگهي ٿو. جيڪڏھن وينٽريڪيولر دھڪو (beat) گهڻو آھستي ٿي وڃي ٿو يا ڪجهه سيڪنڊن لاءِ بلڪل بند ٿي وڃي ٿو ته دماغ کي رت جي اڻ پوري رسد پھچڻ سبب بيھوشي يا جهٽڪا پئجي سگهن ٿا. گهڻيءَ دير جي حالت ۾ فالج (stroke) به ٿي سگهي ٿو.