Graft-versus-host disease/GVH

گرافٽ ـ ورسِيوس ـ ھوسٽ ـ ڊزيز/ جي وي ايڇ

ھڏي جي مک روتڻ يا پيوند ڪرڻ سبب پيدا ٿيندڙ ھڪ اھڙي پيچيدگي جنھن ۾ اِميون سرشتي (immune system) جا سيل، عطيي طور ورتل فرد جي پيوند ڪيل مِکُ جي ٽشوئن تي حملو ڪن ٿا. گرافٽ ـ ورسس ـ ھوسٽ (GVH) ڊزيز يا ته سيلن جي پيوند ڪرڻ کان ستت پوءِ يا ڪجهه مھينن اندر ظاھر ٿئي ٿي. ان جي عام طور تي پھرين نشاني چمڙيءَ جا ڊٻڙ ٿين ٿا. جنھن کانپوءِ دست، پيٽ جو سور، ڪامڻ (jaundice)، اکين ۽ وات جي سوزش (inflammation) ۽ ساه جي مونجهه ٿئي ٿي. جي وِي ايڇ بيماري اسٽيم سيلن (stem cell) جي پيوندڪاري سان پيدا نٿي ٿئي. عام طور تي جي وي ايڇ بيماريءَ کان اِميونوسپريسنٽ (immunosuppressant) دوائن رستي بچاءُ ٿي سگهي ٿو. جيڪڏھن بيماري پيدا ٿئي ٿي ته ان جو علاج ڪورٽيڪوسٽيروائڊ (corticosteroid) ۽ اِميونوسپريسنٽ دوائن جھڙوڪ: سِڪلواِسپورن (ciclosporin) سان ڪجي ٿو. جڏھن ته ڪن حالتن ۾ ان بيماريءَ تي ضابطو ڪري سگهڻ ڏکيو ٿي پوي ٿو.