Food additive

فوڊ ـ ا.يڊي.ٽِو

کاڌي ۾ ڪو به اھڙو مادو يا وکر ملائڻ جنھن جو مقصد ان جي سانڍ ڪرڻ يا سواد، رنگ يا اصليت ۾ بھتري آڻڻ ٿئي ٿي. سانڍيندڙ ڪيميائي وکر (perservatives) جھڙوڪ: سوڊيم نائٽريٽ (sodium nitrate) ان سبب ملائجي ٿو ته جيئن کاڌي ۾ بئڪٽيريا، مولڊ يا خمير جي واڌ ٿي نه سگهي. ٻيا وکر جھڙوڪ: اينٽي آڪسيڊنٽ (antioxidants) کاڌي جي معيار وڌائڻ لاءِ ۽ منجهس اڻ گهربل تبديلي نه اچڻ لاءِ ملايا وڃن ٿا (مثال طور؛ سڻڀن کاڌن کي ڪني ٿيڻ کان بچائين ٿا). سواد (additives) وڌائيندڙن ۾ ايمَلسيفاير (emulsifiers)، اسٽيبلائيزر (stabilizers)، ٿڪنرس (thickeners) ۽ جيلنگ (gelling) وکر شامل ٿين ٿا. جاذبيت ۽ چشڪي وڌائڻ لاءِ رنگ (colouring)، فليوَرنگ (flavouring)، سويٽنرس (sweeteners) ۽ فليور (flavour) وڌائڻ لاءِ استعمال ڪجن ٿا. مصنوعي مٺاڻ (artificial sweeteners) جھڙوڪ: کنڊ بجاءِ اسپارٽيم (aspartame) استعمال ڪري سگهجي ٿي خاص طور تي ذيابيطس يا وزن نه وڌائيندڙن فردن لاءِ.