Fontanelle

فان.ٽي.نَيل

تارون، ڪنھن ابھم جي کوپريءَ جي ھڏن وچ ۾ تھن سان ڍڪيل ٻن مان ڪا به ھڪڙي جاءِ. ڄمڻ وقت کوپريءَ جا ھڏا مڪمل طور تي ڳنڍيل نٿا ٿين جن جا ٻه ملائم حصا کوپريءَ جي کل مان محسوس ڪري سگهجن ٿا. اڳيان فانٽينيل، ھيري جي شڪل جھڙا ۽ عام طور تي 18 مھينن جي عمر ۾ بند ٿي وڃن ٿا. پويان فانٽينيل ٽڪنڊا ٿين ٿا ۽ پھرين 3 مھينن دوران بند ٿي وڃن ٿا. ڪن فانٽينيلن لاءِ عام رواجي ڳالهه ٿئي ٿي ته جڏھن ٻارڙو روئي رڙي ٿو ته اھي تاڻجي ٻاھر اڀري اچن ٿا. جڏھن ته ٻين وقتن تي انھن جو دائمي اڀريل ھجڻ ڪنھن نقص ڏانھن اشارو ٿئي ٿو خاص طور تي ھائڊروسيفيلس (hydrocephalus، کوپريءَ ۾ پاڻيٺ جو ڀرجڻ). جڏھن ته پيٺل فانٽينيل سوڪھڙي (dehydration) جي نشاني ٿي سگهي ٿي. جيڪڏھن فانٽينيل غيرمعمولي طور تي وڏو ھجي يا ان کي بند ٿيڻ ۾ گهڻو وقت لڳي ته ان جو ڪارڻ دماغ جو نقص يا غيرمعموليت جھڙوڪ: ھڏڙِي (rickets) ھجڻ ٿي سگهي ٿي جيڪا کوپريءَ جي ھڏن کي متاثر ڪري ٿي. فانٽينيل جو وقت کان اڳي بند ٿيڻ ڪنھن بي ڊولائپ ۾ ظاھر ٿئي ٿو جنھن کي ڪرينيوسائينوسٽوسس (craniosynostosis) سڏجي ٿو. ورلي، ٻين ٻن جي وچ ۾ ٽيون فائٽينيل به موجود ھجي ٿو جيڪو ڊائونِس سنڊروم (down’s syndrome) جي حالت ۾ پيدا ٿئي ٿو.