Fats and oils

في.ٽس ـ اينڊ ـ آئل

غذائون جيڪي جسم کي گهڻي گهاٽي انداز ۾ توانائي مھيا ڪن ٿيون. فيٽس، کي لپڊس به سڏجي ٿو اھڙا مرڪب ٿين ٿا جن ۾ ڪاربان ۽ ھيڊروجن جون لڙھيون تمام گهٽ آڪسيجن واريون ٿين ٿيون. ڪيميائي طور تي، سڻڀن ۾ گهڻي ڀاڱي فيٽي ايسڊس (fatty acids) گليسيرول (glycerol) سان گڏ ھجن ٿا. انھن کي ھيڊروجن ايٽمن جي نسبت سان مکيو ٻن قسمن سيچوريٽيڊ (saturated) ۽ اَن سيچوريٽيڊ (unsaturated) ۾ ورھايو وڃي ٿو. جيڪڏھن فيٽي ايسڊس ۾ وڌ ۾ وڌ ممڪن حد تائين ھيڊروجن جو مقدار موجود ھجي ٿو ته سڻڀ سيچوريٽيڊ ٿين ٿا. جيڪڏھن ڪاربان لڙھيءَ جا ڪي ھنڌ ھيڊروجن کان وانجهيل ھجن ٿا ته اھي اَن سيچوريٽيد ٿين ٿا. پر جڏھن ڪيترائي ھنڌ خالي ھجن ٿا ته اھي پالي انسيچوريٽيڊ ھجن ٿا (polyunsaturated). مونوسيچوريٽيڊ فيٽس (monounsaturated)، اَن سيچوريٽيڊ فيٽس ٿين ٿا جيڪي رڳو ھڪ ھنڌ تي ھڪ واڌو ھيڊروجن حاصل ڪري سگهن ٿا. جانورن جا سڻڀ (فيٽ) جھڙوڪ گوشت ۽ ڊيئري جي شين وارا گهڻي ڀاڱي سيچوريٽيڊ ٿين ٿا ته سبزين وارن سڻڀن ۾ اَنسيچوريٽيڊ ھجڻ جو لاڙو موجود ٿئي ٿو.