سفير، ايلچي

سفير- نمائندو- ايلچي

مڪمل سفير کان گھٽ درجو رکندڙ سفارتڪار، جنهن کي ڪو خاص مقصد سونپيل هجي، Envoy جي حيثيت ۾ سڃاتو ويندو هو. اڄ ڪلهه ان عهدي تي ڪنهن به اهڙي تجربيڪار سفارتڪار کي مقرر ڪيو وڃي ٿو، جيڪو پنهنجي گھڻ- رُخي پس منظر ذريعي مليل ذميداريءَ کي مهارت سان مڪمل ڪري سگھي. اهڙا سفارتڪار جن کي ڪنهن خاص تڪراري صورتحال کي ختم ڪرائڻ يا ڪنهن ڏکي حدف کي حاصل ڪرڻ لاءِ خاص طور تي ذميواريون ڏنيون وينديون آهن ته ان کي ”خاص ايلچي“ (Special Envoy) سڏيو ويندو آهي. مثال طور: افغان معاملي ۾ مشهور سفارتڪار ’ڊيگوڪارڊو ويز‘ گڏيل قومن جي خاص ايلچي جو ڪردار ادا ڪيو. ان کان علاوه اهڙا سفارتڪار جن کي مخصوص حالتن کي نظر ۾ رکندي بدلجندڙ ماحول مطابق پنهنجي حڪمت عملي اختيار ڪرڻ جي اجازت مليل هجي ته ان کي ”غير معمولي عيوضي“ (Envoy Extraordinary) جي اصطلاح سان سڏيو وڃي ٿو. عيوضين جو ڪم مخصوص مدت يا مسئلي سان لاڳاپيل هوندو آهي، جنهن جي ختم ٿيڻ کان پوءِ سندن منصب /ذميواري به ختم ٿي ويندي آهي.