Emphysema

اِم.فِي.سِي.ما

ھڪ اھڙي بيماري جنھن ۾ ڦڦرن جي ھوا ڳوٿرين جون ڀتيون جن کي آلويولي (alveoli، ڏسو alveolus, pulmonary) سڏجي آھستي آھستي ناقص ٿينديون ڦڦڙ جي گئس جي مٽاسٽا جي ايراضي گهٽائينديون وڃن ٿيون. عام طور تي اِمفِسيما پراڻي برانڪائيٽس (bronchitis) سبب پيدا ٿئي ٿي جنھن بيماريءَ کي عام طور تي ڪِرانڪ آبسٽرڪٽِو پلِمونري ڊزيز (chronic obstructive pulmonary disease) سڏجي ٿو (ڏسو، pulmonary disease, chronic obstructive ). اٽڪل سڀني حالتن ۾ اِمفِيسيما تماڪ ڇڪڻ سبب پيدا ٿئي ٿي. ورلي، ان جو ڪارڻ ھڪ ڪيميائي مادي الفا1 ـ اينٽي ٽرائپسن (alpha1-antitrypsin) جي موروثي کوٽ جي نتيجي ۾ خاص طور تي ڦڦڙن ۽ جيري جا ٽشو تباه ٿين ٿا. بيماري جي واڌ ڪرڻ سان گڏ آلويولي جي تباھي سميت ساه جي وڌندڙ مونجهه پيدا ٿئي ٿي. جيڪڏھن ھڪ دفعو به ڦڦڙن کي ڇيھو رسي پوي ته ان جو سدباب ٿي نٿو سگهي جڏھن ته تڪليف گهٽائڻ جو علاج ڪري سگهجي ٿو. تماڪ ڇڪڻ بند ڪرڻ سان جنھن سان رفتار سان ڦڦڙ تباه ٿي رھيا آھن انھن کي گهٽائي سگهجي ٿو.