هي سياسي دهشتگرديءَ جو هڪ قسم آهي، جنهن ۾ ڪو به فرد يا گروهه پنهنجا سياسي مُفاد حاصل ڪرڻ لاءِ، آسپاس جي ماحو ل کي تباهه ڪرڻ جي ڪوشش ڪندو آهي. ان عمل هيٺ ڪيميائي گئسن کي فضا يا پاڻيءَ جي ذخيرن ۾ زهر ملائڻ، باهه لڳائڻ، ۽ خوراڪ جي ذخيرن کي ضايع ڪرڻ وغيره جهڙا حربا هلائي، اهڙو ماحول پيدا ڪيو ويندو آهي، جنهن ۾ دُشمن رياست يا ڌُر بيزار ٿي، دهشتگرد شخص يا گروهه جا مطالبا پورا ڪندي آهي. دُنيا ۾ ”يونا بامبر“، ”چيم سام“ ۽ جيمس جي- لي“ وڏا ماحولياتي دهشتگرد ٿي گُذريا آهن. انهن جي ٽوڙ لاءِ دنيا ۾ ڪيتريون تنظيمون وجود ۾ آيون آهن، جيڪي هاڪاري ماحولياتي جدوجهد ذريعي، پنهنجا مقصد حاصل ڪرڻ لاءِ جاکوڙين ٿيون . انهن ۾ جانورن جي آزاديءَ جو محاذ (ALF)، ڌرتيءَ جي آزادي جو محاذ (ELF) ’گرين پيس‘ ۽ ڌرتيءَ جو مُڪو (Earth Fist) نالي تنظيمون اهم سمجهيون وڃن ٿيون.