Disease-modifying antirheumatic drugs

DMARDs

(ڊزيزـ ماڊيفائنگ ـ اينٽي.ريومي.ٽڪ ڊرگس) مختلف قسمن جون دوائون جيڪي ريوميٽوائڊ آرٿرائيٽس (rheumatoid arthritis) جون تڪليفون ۽ سورياٽڪ آرٿرائيٽس (psoriatic arthritis، ھڪ قسم جي آرٿرائيٽس جيڪا ورلي سورياسس psoriasis جي پيچيدگيءَ سبب پيدا ٿئي ٿي) جي واڌ کي گهٽائي سگهن. ڊي ايم اي آر ڊي، آسٽيئوآرٿرائيٽس (osteoarthritis) جي علاج لاءِ فائديمند نٿيون ٿين. جيڪي دوائون سنئون سڌو بيماريءَ کي گهٽائڻ ۽ اِميون رسپانس کي تبديل ڪرڻ لاءِ ڪم ڪن ٿيون تن کي اثر ظاھر ڪرڻ ۾ ڪيترا مھينا لڳي وڃن ٿا ان ڪري سڀني مريضن لاءِ مناسب نٿيون سمجهيون وڃن. ڊي ايم اي آر ڊيءَ جا مثال آھن: ايزاٿيوپرائين (azathioprine)، ڪلوروڪوئين (chloroquine)، سڪلواسپورن (ciclosporin)، سائيڪلوفاسفامائيڊ (cyclophosphamide)، گولڊ (gold)، ھائڊروآڪسيڪلوروڪوئين (hydroxychloroquine)، ميٿوٽريڪسيٽي (methotrexate)، پينسيلامائين (pen icillamine)، سوڊيم آروٿيوميلائيٽ (sodium aurothiomalate) ۽ سلفاسالازين (sulfasalazine).