جرمن ٻوليءَ جي هن لفظ جو لُغتي مطلب آهي ’ڊاهڻ‘، جيڪو بين الاقوامي لاڳاپن ۾ ڪنهن به اتحاد يا سهمتيءَ کي ٽوڙڻ لاءِ استعمال ٿيندو آهي . جڏهن به ڪو سگهارو ملڪ ڪنهن حلقي ۾ پنهنجي قومي مفادن جي تڪميل نه ٿيندي ڏسندو آهي ، ته پهريائين اهو پنهنجي مرضي هلائڻ جي ڪوشش ڪندو آهي ، پر رنڊڪن جي صورت ۾ لاڳاپيل حلقي يا فورم کي خاتمي کي ترجيح ڏيندو آهي . ان جي نتيجي ۾ پاليسين ۾ تمام گهڻيون تبديليون اچي وڃن ٿيون . ان کان علاوه جڏهن ڪا سيڙپ- ڪار ڪمپني پرڏيهه ۾ قائم ڪيل پنهنجن ڪارخانن/ اثاثن کي خطري ۾ ڏسندي آهي ۽ انهن کي امڪاني نقصان جا انديشا هوندا آهن، ته اها ڪمپني لڳايل اوزارن ۽ مشينري پٽڻ سان گڏوگڏ پنهنجي سيڙپ کي جلد کان جلد ڪڍڻ جي ڪوشش ڪندي آهي . جنگي هُنر جي حوالي سان جڏهن ڪنهن ملڪ جي رٿاڪارن يا ماهرن کي مُلڪي علائقي جي وڃائجڻ جي پڪ ٿي ويندي آهي يا ڪا فوج قبضي کان پوءِ ڦٻايل ملڪ خالي ڪري رهي هوندي آهي ، ته اُها ويندي ويندي قيمتي عمارتن ۽ سرشتن کان وٺي فصلن تائين هر شئي کي پَٽي ۽ ڀيلي ڇڏيندي آهي ته جيئن انهن مان مخالف ڌُر فائدو نه وٺي سگهي