Colitis

ڪو.لاءِ.ٽس

وڏي آنڊي (colon) جي سوزش سبب دست ٿي پوڻ جن سان عام طور تي رت ۽ لعاب (mucus) به خارج ٿئي ٿو. ان جي ٻين نشانين ۾ پيٽ جو سور ۽ بخار ٿي سگهن ٿا. ڪولائيٽس جي روڳ ٿيڻ جو ڪارڻ مختلف قسمن جا روڳي جيوڙا جھڙوڪ: ڪئمپائيلوبيڪٽر (campylobacter) ۽ شِگيلا (Shigella) بئڪٽيريا، وائرس يا اميبي (amoebae) ٿين ٿا. ھڪ قسم جو ڪولائيٽس انھن اينٽيبياٽڪ دوائن سبب ٿي سگهي ٿو جيڪي عام رواجي طور تي آنڊي ۾ رھندڙ بئڪٽيريا کي تباه ڪري ۽ ڪلوسٽريڊيم ڊفيسلي (Clostridium difficile) جھڙيءَ بئڪٽيريا کي واڌ ويجهه ڪرڻ ڏين ٿيون جيڪي اريٽيشن پيدا ڪن ٿيون. ڪولائيٽس، السريٽِو ڪولائيٽس (ulcerative colitis) ۽ ڪرانس (Crohn’s) ڊزيز جو ھڪ نشاني ٿئي ٿي. ڪولائِيٽس جي تشخيص لاءِ ڪرفتيءَ جو نمونو چڪاسجي ٿو، سگموئاڊواسڪوپي (sigmoidoscopy) يا ڪولونواِسڪوپي (colonoscopy)، سوزشي حصن يا السر جي بايوپسي (biopsy) ۽ بيريم اَنيمِيا (ڏسو، barium x-ray examination) ڪجي ٿي. ڪنھن روڳ ھجڻ جي ڪارڻ جي حالت ۾ اينٽيبياٽڪ ڏئي سگهجن ٿيون. ڪرانس ڊزيز ۽ اَلسريٽو ڪولائيٽِس جو ڪورٽيڪوسٽيروائڊ (corticosteroid) ۽ اِميونوسَپريسنٽ (immunosuppressant) دوائن ۽ مخصوص غذا رستي علاج ڪري سگهجي ٿو.