Ciclosporin

سِ.ڪِلو.اِسپورِ.نِ

ھڪ اِميونو سپريسنٽ (immunosuppressant) دوا جيڪا ٽرانسپلانٽ سرجريءَ (transplant surgery) کانپوءِ استعمال ڪرائجي ٿي. ھن دوا ڏيڻ سان جسم جي پيوند ڪيل عضوي جي رد ٿيڻ جو خطرو گهٽجي وڃي ٿو ۽ وڏي وزن ۾ ڪورٽيڪوسٽيروائڊ (corticosteriod) دوائون ڏيڻون پون ٿيون. ممڪن ٿئي ٿو ته عضوي جي پيوند ڪرڻ کانپوءِ دوائون لامحدود عرصي تائين استعمال ڪرڻيون پون. ان کانسواءِ اھا ڊزيز ـ ماڊيفائينگ اينٽي ريوميٽڪ (disease-modifying antirheumatic) دوا به ٿئي ٿي ۽ ريوميٽوائڊ آرٿرائيٽِس (rheumatoid arthritis) ۽ ٻين آٽواِميون ڊسئارڊرن (autoimmune disorders) جي علاج لاءِ استعمال ڪجي ٿي. سِڪلواِسپورن شديد مَلي (eczemia) ۽ سورياسس (psoriasis) جي حالت ۾ به استعمال ڪري سگهجي ٿي. جيئن ته سڪلواِِسپورن اِميون سرشتي کي دٻائي ڇڏي ٿي ان سبب روڳ ٿيڻ لاءِ حساسيت وڌي وڃي ٿي. سڄيل مھارون ۽ وارن جي گهڻي واڌ ٿيڻ ھن دوا جا خاصا اگرا اثر ٿين ٿا. ممڪن ٿئي ٿو ته ھيءَ دوا بڪين کي به نقصان پھچائي سگهي ان سبب بڪين جي ڪم تي لاڳيتي نظر رکڻي پوي ٿي.