Cholesterol

ڪو.لِس.ٽِي.رول

سڻڀ جھڙو، جسماني سيلن جي جوڙجڪ جو ھڪ اھم مادو جيڪو ھارمونن ۽ پت جي لوڻن جي پيداوار لاءِ گهربل ٿئي ٿو. رت ۾ موجود ڪولِسٽيرول کاڌن مان جيرو پيدا ڪري ٿو خاص طور تي سيچوريٽيڊ سڻڀن (سڻڀن تيزابن) مان، جيتوڻيڪ ان جو ننڍڙو مقدار سڌو سنئون ڪولسٽيرول ڀريل کاڌن جھڙوڪ: آنن مان به جذب ٿي وڃي ٿو. رت ۾ موجود ڪولسٽيرول جو گهڻو مقدار اَٿِيرواِسڪليروسِس (atherosclerosis) جو خطرو وڌائي ڇڏي ٿو ته ان سان گڏ ڪورونري آرٽري ڊزيز (coronary artery disease) يا اسٽروڪ (stroke) جو خطرو به وڌي وڃي ٿو. ٿلهي ليکي، ڪولسٽيرول جو، لو ڊينسٽي لپوپروٽينن (low-density lipoproteins (VLDLs) يا تمام گهٽ گهاٽائپ ۾ لِپوپروٽينن جي صورت ۾ پھچڻ انھن حالتن ۾ ھڪ خطرو ٿي سگهي ٿو، جڏھن ته ڪولسٽيرول جو ھاءِ ڊينسٽي لپوپروٽينن (high-density lipoproteins (HDLs) جي صورت ۾ ھجڻ لڳي ٿو ته اِيٽِريئل بيماريءَ کان بچائي ٿو. رت ۾ موجود ڪولِسٽيرول جي سطحن تي کاڌي، وزن، ورثي ۽ ميٽابولي بيمارين جھڙوڪ: ڊائبِيٽيز ميلائيٽس (diabetes mellitus) جو اثر پوي ٿو جنھن جي رت جي تپاسن رستي ماپ ڪري سگهجي ٿي. 5.0 mmol/L کان گهٽ تسليم ڪجي ٿي ته مٿاھين سطحن جي حالت ۾ وڌيڪ تپاسن ڪرائڻ جي گهرج پوي ٿي. غذائي تبديلن (سيچوريٽيڊ سڻڀ گهٽائڻ ۽ چرٻي واري مڇي کائڻ) ۽ ڪسرت ڪرڻ سان ڪولسٽيرول گهٽائي سگهجي ٿو، دوائون جھڙوڪ: سمواسٽيٽن (simvastatin) سان گهڻي گهٽتائي اچي ٿي.