Cervicitis

سر.وي.ساءِ.ٽس

ڳھڻ (cervix) جي سوزش. عام طور تي ان جو ڪارڻ ڪو روڳ ٿئي ٿو جھڙوڪ: پرميل (gonorrhoae)، ڪليميڊيئل انفيڪشن (chlamydial infections)، جينائيٽل ھرپيز (genital herpes، ڏسو، herpes, genital) يا جينائيٽل راٽس (genital warts، ڏسو، warts, genital).ويم يا آپريشن دوران ڳھڻ کي پھتل نقصان کانپوءِ ڳھڻ جو روڳ ٿي سگهي ٿو. عام طور تي شديد سروائيسيٽس کانپوءِ ان جون نشانيون پيدا نٿيون ٿين جيتوڻيڪ سوزشي ڳھڻ مان پاڻيٺ به وھي سگهي ٿي. پراڻيءَ حالت ۾ گرڀ ناليءَ مان پاڻيٺ وھي سگهي ٿي، يونيءَ مان غيرمعمولي رتھير ٿي سگهي ٿي ۽ پيٽ جي ھيٺين حصي ۾ سور به ٿي سگهي ٿو. علاج نه ڪرڻ سان سروائيسيٽس پکڙجي اينڊوميٽررائيٽس (endometritis)، سالپنجائِٽس (salpingitis) يا پيلوڪ اِنفلِميٽري ڊزيز (pelvic inflammatory disease) پيدا ڪري سگهي ٿي. جنھن جي نتيجي ۾ اويجهائپ (infertility) يا ايڪٽوپڪ پريگننسي (ectopic pregnancy) پيدا ٿيڻ جا گهڻا امڪان پيدا ٿي سگهن ٿا. جيڪڏھن ماءُ سروائيسِيٽس ۾ مبتلا ھجي ته سندس ابھم ويم دوران ان ۾ مبتلا ٿي نتيجي ۾ نيونيٽل آفٿيلِميا (neonatal ophthalmia) يا گهٽ ورلي نمونيا (pneumonia) جو، ڪليمائيڊِيل روڳ سبب شڪار ٿي سگهجي ٿو.