Cat diseases from

ڪيٽ ـ ڊزيز ـ فرام

ڪيترن قسمن جا پئراسائيٽ ۽ روڳي جيوڙا ٻلين مان انسانن ۾ وچڙي سگهن ٿا. انھن ۾ ھڪ گهڻي سنگين بيماري ھڙڪ (rabies) جي ٿئي ٿي. ڪيٽ ـ اسڪريچ فيور (cat scratch fever) ھڪ ورلي ٿيندڙ بيماري ٿئي ٿي جيڪا ھڪ بيڪٽيريم بارٽونيلا ھينسيليءَ (Bartonella henselae) سبب ٻليءَ جي رھنڊن يا چڪ پائڻ کانپوءِ ٿي پوي ٿو. عام طور تي ٻلين ۾ ھڪ پروٽوزوئن ٽوڪسوپلازما (Toxoplasma gondii) ٿئي ٿو جيڪو ٽوڪسوپلاسموسز (toxoplasmosis) جي بيماري پيدا ڪري ٿو. عام طور تي ٻِلين جي ڪرفتيءَ سان لاڳاپي ۾ اچڻ سبب پيدا ٿيندڙ روڳ سنگين نٿو ٿئي پر ان جا تڏھن سنگين نتيجا ٿي سگهن ٿا جڏھن ڪا عورت حمل دوران متاثر ٿي پوي ٿي. اھو به ممڪن ٿي سگهي ٿو ته ٻليءَ جي ڪرفتيءَ ۾، گول ڪينئن جا آنا موجود ھجن جيڪي ٽوڪسوڪيرياسس (toxocariasis) پيدا ڪري سگهن ٿا. ورلي، ڪنھن پيٽ ۾ ويل گول ڪينئين جي آني مان پيدا ٿيندڙ ٻچٽ (larva) اک ۾ وڃي کوپو کوڙي نه رڳو نظر متاثر ڪري ته نابينائپ به پيدا ڪري سگهي ٿو. جيڪي ٻار ٻليءَ جي ڪرفتيءَ سبب غليظ ٿيل واريءَ يا مٽيءَ ۾ راند رھن ٿا اھي عام طور تي متاثر ٿي پون ٿا. انسانن ۾ ٻلين سان لاڳاپيل اھڙا ٻيا مسئلا ٽينيا (tinea)، چمڙيءَ جا ڦنگي روڳ، ٻلي جي ڪارڙن (flea) جا چڪ ۽ ڊينڊر/ ٻڦي سبب پيدا ٿيندڙ الرجيءَ جا ردعمل دم (asthma) يا ارٽيڪيريا (urticaria) پيدا ڪري سگهن ٿا. سٺي صحت قائم رکڻ، بيمار جانورن جي صحت جي خيال رکڻ ۽ ٻلين جي ڪينئن ۽ ڪارڙن ڏانھن باقاعدگيءَ سان ڌيان ڏيڻ سان ٻلين جي بيمارين کان بچي سگهجي ٿو.