Cardiac stress test

ڪار.ڊي.ئڪ ـ اِسٽريس ـ ٽيسٽ

ھن تپاس کي ڪسرت جي اي سي جي (ECG) يا ايڪسرسائيز ٽالرينس ٽيسٽ (exercise tolerance test) به سڏجي ٿو، اھو تپاسن جو ھڪ اھڙو گروپ ٿئي ٿي جن رستي انھن فردن جي دل جو ڪم ڏسي سگهجي ٿو جيڪي ڪسرت دوران ڇاتيءَ ۾ سور، ساه جي مونجهه يا دل جو دھڪو محسوس ڪن ٿا. ھن تپاس رستي ان ڳالهه جي پڪ ڪري سگهجي ٿي ته آيا مريض ڪورونري آرٽريءَ (coronary artery) جي بيماريءَ ۾ مبتلا ته ناھي. اي سي جي مشين رستي، دل جي دٻاءَ واريءَ حالت ۾ دل جي برقي ڪم جو طريقو رڪارڊ ڪجي ٿو، جيڪو عام طور تي مريض جي ٽريڊمل (treadmill) ڪسرت يا سائيڪلنگ (cycling) دوران ڪجي ٿو. ڪسرت جي سطح ۾ واڌاري ڪرڻ سان، برقي طريقن ۾ پيدا ٿيندڙ مخصوص تبديليون اَنجائنا (angina) جي نشاني ٿي سگهي ٿي. ڪارڊيئڪ اِسٽريس ٽيسٽنگ، اميجنگ طريقن جھڙوڪ: ريڊيونِيوڪليئوٽائيڊ اسڪيننگ (radionuclide scanning)، اينجِيوگرافي (angiography) يا اِڪوڪارڊيوگرافيءَ (echocardiography) سان به گڏ ڪري دل جي مشڪ جي متاثر حصن جي سڃاڻپ ڪري سگهجي ٿي. جڏھن ته ھاڻ رڳو، ڪارڊيئڪ اميجنگ تپاسن رستي دل جي ڪم جي ڇنڊڇاڻ ڪري سگهجي ٿي.