Bronchiectasis

بران.ڪِي.اِڪ.ٽي.سِس

ڪنھن به ڦڦر جي اھڙي بيماري جنھن ۾ ھڪ يا گهڻيون برونڪي (ٽريڪيا مان نڪرندڙ ھوا لنگهه) غيرمعمولي طور تي ڪشاديون، ناقص ۽ بگڙيل استرن سان ٿين ٿيون. برنڪيئِڪٽاسس گهڻو عام ٻالڪپڻي دوران ٿي پوي ٿي ۽ ڪنھن دور ۾ ارڙيءَ (measles) ۽ پيرٽوسس (pertusis، کرٽيو) سان لاڳاپيل سمجهي ويندي ھئي. اھا بيماري سِسٽڪ فائبروسس (cystic fibrosis) جي به ھڪ پيچيدگي ٿئي ٿي. ھوا لنگهن ۾ ڊگهي عرصي تائين رھندڙ روڳ پاڪيٽس جي صورت ۾ رھي ٿي ۽ سائو يا پيلو بلغم (sputum/phlegm) پيدا ڪندي رھي ٿي. شديد برنڪِيئِڪٽاسس ساه جي مونجهه پيدا ڪري ٿي. عام طور تي ان جي نشانين تي اينٽيبياٽڪ دوائن ۽ پاسچورل ڊرينيج (postural drainage) رستي ضابطو ڪجي ٿو. جڏھن بيماري ڦڦڙ جي ڪنھن ھڪ حصي تائين محدود ھجي تڏھن ممڪن ٿئي ٿو ته متاثر حصي کي آپريشن رستي نيڪال ڪرڻ جي صلاح ڏجي.