Bites, animal

باءِ.ٽس ـ اين.مل

ڪو به اھڙو زخم جيڪو ڪنھن جانور جي چڪ پائڻ، ڪنھن رت چوسيندڙ جيت کانوٺي شارڪ يا واڳونءَ جي حملي سبب ٿي پوي. خاص طور تي گوشت خور جانورن جا ڏند شديد، گهرا ۽ گهڻا زخم پيدا ڪري سگهن ٿا. وڏين رت نلين جي شديد زخمن ۽ رھڙن سبب گهڻي رتھير ۽ فزيالاجيڪل سڪتي (shock) واري حالت پيدا ٿي سگهي ٿي. اھڙي جانور جي وات ۾ بئڪٽيريا ھجڻ سبب سنگين روڳ پيدا ٿي سگهي ٿو جنھن ۾ ڪُزَاز (tetanus) ٿيڻ جو خاص طور تي خطرو ٿئي ٿو. جن ملڪن ۾ ھڙڪ جي بيماري ٿئي ٿي اتي ڪنھن به ٿڻائتي جانور ۾ ھڙڪ (rabies) جا طاقتور وائرس موجود ٿي سگهن ٿا ۽ چڪ پائڻ سان وچڙائي سگهن ٿا. اھڙن سڀني چڪيل حالتن ۾ جڏھن ھڙڪ ٿيڻ جو خطرو ھجي ته طبي صلاح حاصل ڪجي. علاج طور عام طور تي اھڙي ڦٽ کي صاف ڪري تپاسيو وڃي ٿو. عام طور تي ڦٽ کي کليل ڇڏي ملِم پٽي ڪري ڇڏجي ٿي. بچاءَ طور اينٽيبياٽڪ دوائون ۽ اينٽي ٽيٽينس (antitetanus) انجيڪشن ھنئي وڃي ٿي. جيڪڏھن جانور جي ھڙڪ ۾ مبتلا ھجڻ جو شڪ ھجي ٿو ته اينٽي ريبيز ويڪسين سان گڏ اِميونوگلوبيولن به ھنئي وڃي ٿي (وڌيڪ ڏسو، bites, human; insect bites; snake bites; spider bites; venomous bites and stings ).