Biliary cirrhosis

بل.ي.ئري ـ سِ.رو.سِس

جيري جي سِروسِس جو ورلي ٿيندڙ نمونو جيڪا پتي جي نلين جي مسئلن يا آٽواِميون ڊسئارڊر (autoimmune disorder) جنھن کي پرائمري بِلييري سروسس سڏجي يا ڊگهي عرصي کان ٻنج سبب پيدا ٿي ھجي. پرائمري بِلييري سروسس گهڻي ڀاڱي وچولي عمر جي عورتن کي متاثر ڪري ٿي ۽ سمجهجي ٿو ته اِميون سرشتي جي ناقص ڪم سان لاڳاپيل ٿئي ٿي. سيڪنڊري بِلييري سِروسِس ڊگهي عرصي کان رھندڙ پتي جي نليءَ جي ٻنج يا بِلييري ايٽريسيا (biliary atresia) سبب ٿي پوي ٿي. ٻنھي قسمن ۾، ڪوليسٽِيسس (cholestasis، پت جو جيري ۾ گڏ ٿيڻ) سبب جيري جي ڪم ۾ بگاڙ پيدا ٿئي ٿو. پرائمري بِلييري سِروسس ۾ جيري جون اندريون پتي جو نليون سوزشي ٿي تباه ٿي وڃن ٿيون. نشانين ۾ خارس، يرقان (jaundice)، جيري جو وڌي وڃڻ ورلي پيٽ جو سور، سڻڀا دست ۽ زينٿوميٽوسس (xanthomatosis) شامل ٿين ٿا. آسٽيوپوريسس (osteoporosis) به پيدا ٿي سگهي ٿي. ڪيترن سالن کانپوءِ جيري جي سِروسس ۽ جيري جي ڪم نه ڪري سگهڻ جون نشانيون پيدا ٿي سگهن ٿيون. دوائن سان پيچيدگيون گهٽائي ۽ تڪليفن کي ختم ڪري سگهجي ٿو. عمر ڀر شفا جو مدار رڳو جيري پيوند ڪرائڻ (liver transplant) تي ٿئي ٿو. سيڪنڊري بِلييري سِروسس جون تڪليفون ۽ نشانيون پيٽ جو سور ۽ ان جو ڏکڻو ٿي پوڻ، جيري جو وڌي وڃڻ، بخار ۽ سياٽو محسوس ڪرڻ ۽ ورلي رت جون غيرمعمولي ڳالهين جو پيدا ٿيڻ ٿين ٿيون. ان جو علاج ساڳيو نلين جي ٻنج وارو ٿئي ٿو.