Barbiturate drugs

بار.بي.چو.ريٽ ـ ڊر.گس

آرام ڏيندڙ (sedative) دوائن جو ھڪ اھڙو قسم جيڪو دماغي (مرڪزي تنتي سرشتي) سرگرميءَ کي دٻائي مريض کي ماٺو ڪري ننڊائتو ڪري ڇڏي ٿو. انھن ۾ ٿيوپينٽل (thiopental) ۽ فينوباربيٽل (phenobarbital) ٿين ٿيون. ماضيءَ ۾ باربيچوريٽ دوائون اينٽي اينگزائٽي ۽ ننڊ ڪرائيندڙ دوائن طور استعمال ٿينديون ھيون پوءِ بيزوڊائزيپام (benodiazepine) ۽ ٻيون نان باربيچوريٽن طور استعمال ٿيڻ لڳيون. ھاڻ، باربيچوريٽ سخت ضابطن ھيٺ استعمال ٿين ٿيون ڇاڪاڻ ته عادت پيدا ڪندڙ ٿين ٿيون ۽ انھن جو ناجائز استعمال ڪيو وڃي ٿو. انھن جو حد کان وڌيڪ وزن موتمار ٿي سگهي ٿو الڪوحل جي استعمال سان گڏ خاص طور تي خطرناڪ حد تائين دماغ تي اداس ڪندڙ اثر پيدا ڪري ٿي (ان سميت ساه سرشتي جي مرڪز کي به دٻائي ڇڏين ٿيون). جڏھن ته فينوباربيٽال اڃان تائين اينٽي ڪَنولسنٽ (anticonvulsant) طور مرگهيءَ جي علاج لاءِ استعمال ڪجي ٿي. ٿيوپينٽال جو تمام مختصر عرصي لاءِ اثر ٿئي ٿو ۽ بيھوشي پيدا ڪرڻ لاءِ استعمال ٿئي ٿي (ڏسو، anaesthesis, general).