Antidiabetic drugs

اين.ٽي.ڊا.ءِ.بي.ٽڪ ـ ڊرگس

دوائن جو ھڪ اھڙو گروپ جيڪي ڊائبِيٽيز ميلائيٽس (diabetes mellitus) جي علاج لاءِ استعمال ٿين ٿيون جنھن ۾ انسولن (insulin) جي کوٽ يا ان جي اثرن لاءِ مزاحمت ھجڻ سبب رت ۾ گلوڪوس (blood glucose) جي سطح وڌي وڃي ٿي. اھڙين ڪيترين قسمن جي اينٽي ڊائبيٽيز دوائن رستي رت جي گلوڪوس جي سطح ممڪن حد تائين عام رواجيءَ جيتري قائم رکي سگهجي ٿي جنھن سان ويسڪيولر بيمارين (رت نلين) جي پيچيده خطرن پيدا ٿيڻ کي گهٽائي سگهجي ٿو. اينٽي ڊائبيٽڪ دوائن ۾ اِنسولن شامل ٿئي ٿي جيڪا ان جي ڪشن يا انفيوزن (infusion) رستي يا وات رستي ھائپوگلائيسيمڪس (hypoglycaemics) جھڙوڪ: گليڪلازڊ ۽ ميٽفورمن (gliclazide and metformin) استعمال ڪجن ٿيون. اڪاربوس (acarbose) کاڌي کائڻ کانپوءِ آنڊن مان نشاستن جي جذب ٿيڻ جي عمل کي گهٽائي يا سست ڪري ڇڏي ٿي. ريپاگلينائيڊ (repaglinide) لب لبه (pancreas) مان انسولن جي پيداوار کي ڪجهه وقت لاءِ متحرڪ ڪري ٿي ۽ کاڌي کائڻ کان اڳ ۾ سڌي سنئين کائي سگهجي ٿي. پيوگليٽازون (pioglitazone) ٽشوئن ۾ انسولن جي مزاحمتي اثرن کي گهٽائي ٿي ۽ ٻين ھائپوگلائيسيمڪ دوائن سان گڏ استعمال ڪري سگهجي ٿي.