Antiarrhythmic drugs

اينٽي. اَرِ.ٿمڪ ـ ڊرگس

دوائن جو ھڪ اھڙو گروپ جيڪو ارِڌميا (arrhythmia، دل جو بي قاعدي ڌڙڪڻ) جي اپاءَ يا علاج لاءِ استعمال ڪجي ٿو. ھن گروپ ۾ اھي دوائون شامل ٿين ٿيون جيڪي ارِڌميا جي علاج لاءِ نس رستي اسپتال ۾ ڏجن ٿيون ۽ سھڪو يا ڇاتيءَ جو سور پيدا ڪرڻ جھڙيون تڪليفون پيدا ڪن ٿيون مثال طور؛ انھن مان ھڪ ايڊينوسن (adenosine) اسپتال ۾ ڏجي ٿي. دل جي وقت به وقت پيدا ٿيندڙ بي قاعدي ڌڙڪڻ جي اپاءَ لاءِ يا جڏھن دائمي رھندڙ ھجي ته ان جي گهٽائڻ لاءِ ڪيتريون دوائون استعمال ڪجن ٿيون جن ۾ اميودارون (amiodarone)، بيٽابلاڪر دوائون (beta-blocker)، ڪيلشم چينل بلاڪر (calcium channel blocker)، ڊجيٽيلس (digitalis)، ڊسوپيرامائيڊ (disopyramide) فليڪينائيڊ (flecainide)، لائڊوڪين/ لگنوڪين (lidocaine/lignocaine)، ميڪسيليٽائين (mexiletine) ۽ پروڪينامائيڊ (procainnamide) ٿين ٿيون. انھن جا عام طور تي اگرا اثر اوڪارا ۽ چمڙيءَ تي ڳاڙھا نشان پيدا ٿين ٿا. جڏھن ته ڪي اينٽي اَرٿِمڪس (antiarrhythmics) ساڻائي يا سھڪو پيدا ڪن ٿيون. ڇاڪاڻ ته اھي دل جي، پمپ ڪرڻ جي لياقت گهٽائي ڇڏين ٿيون.