Amblyopia

ام.بِلي.او.پيا

ڌنڌلائپ. نظر جي چٽائپ جو دائمي نقص جنھن ۾ عام طور تي اک جي جوڙجڪ ۾ ڪا خرابي نٿي ٿئي. ڪيترين حالتن ۾ رڳو ديد جي لنگهھ؛ تنتي پردي (retina) ۽ دماغ وچ ۾ خلل ٿئي ٿو. ورلي، ھي اصطلاح انھن زھريلن مادن يا غذائي ڪارڻن لاءِ به استعمال ٿئي ٿو جن ڪري نظر جي چٽائپ گهٽجي وڃي ٿي جھڙوڪ: تماڪ ـ الڪوحل سبب نظر جي جهڪائي. جيڪڏھن دماغ کي ھر اک کان عڪسن حاصل ٿيڻ دوران اوائلي ٻالڪپڻي ۾ ديد جي اوسر دوران واضح فرق ھوندو ته ايمبِليئوپيا پيدا ٿيندي. ان جو گهڻو عام ڪارڻ ٽيڏائپ (squint) ٿئي ٿي. تنتي پڙدي تي عام رواجي طرح سان عڪسن جو پيدا نٿي سگهڻ ڄائي ڄم جو موتيو پاڻي (cataract) ۽ شديد يا اڻپورو، فوڪسنگ جو نقص جھڙوڪ جڏھن ھڪ اک ته عام رواجي ھجي پر ٻيءَ ۾ وڏيءَ حد تائين ڌُنڌلائپ (astigmatism) ھجي ٿو. زھريلن مادن ۽ غذائي کوٽ جي ايمبِليئوپيا سبب تنتي پڙدي يا ڏسڻيءَ تنت (optic nerve) کي نقصان پھچي سگهي ٿو.