دنيا جي ٽيٽيهه سگهارين معاشي رياستن تي ٻڌل هيءَ تنظيم 1999ع ۾ گروپ 22 کان پوءِ قائم ٿي. هن گروپ جو مقصد بين الاقوامي معاشي نظام ۽ مالياتي سرشتن کي بهتر بنائڻ هو. گروپ ۾ دُنيا جي اُسريل ۽ تيزيءَ سان ترقي ڪندڙ 33 مُلڪن جا خزانن جا وزير ۽ مرڪزي بئنڪن جا گورنر شريڪ ٿيندا هئا. گروپ جي پهرين گڏجاڻي بون جرمنيءَ ۾ 1999ع ۾ ٿي. هن گروپ جي ميمبرن ۾ ارجنٽينا، آسٽريليا، برازيل، بيلجيم، ڪئناڊا، چلي، چين. ڪاٽ دا لوور، مصر، فرانس، جرمني، هانگ ڪانگ، انڊيا، اندونيشيا، اٽلي، جپان، ملائيشيا، ميڪسيڪو، مراڪش، نيدرلينڊس، پولنڊ، روس، سعودي عرب، سنگاپور، ڏکڻ آفريقا، ڏکڻ ڪوريا، اسپين، سويڊن، سوئٽزرلينڊ، ٿائلينڊ، ترڪي، برطانيا ۽ آمريڪا شامل آهن. ان کان علاوه دنيا جي غريب ملڪن جو پڻ ساڳئي نالي سان هڪ گروپ ٺاهيل آهي. جيڪو معاشي ۽ واپاري معاملن تي هڪٻئي کان سهڪار ڪنداآهن. ان گروپ جو مقصد بين الاقوامي واپار ۾ ساڳيا مسئلا ڏسندڙ ملڪن درميان رابطو وڌائڻو هو، هن گروپ WTO جي گڏجاڻي ۾ غريب مُلڪن لاءِ خصوصي قاعدا جوڙڻ جي سلسلي ۾ سفارشون ڏنيون، جن مان سندن زرعي معيشيت تي غريب مُلڪن جي اختيار کي تحفظ فراهم ڪرڻ وارو نڪتو نهايت اهم آهي. هن گروپ جي ميمبرن ۾ هيٺيان ملڪ شامل آهن: انٽيگئا ۽ بارباڊوئا، بارباڊوس، بليز، بينن، بوٽسوانا، چين، ڪاٽ دالووير، ڪيوبا، ڪانگو، ڊومنيڪن ريپبلڪ، ايلسلواڊور، گرينيڊا، گيانا، گوئٽي مالا، هيٽي، هونڊيوراس، انڊيا، انڊونيشيا، جميڪا، ڪينيا، لائوس، ماريشسي، مڊگاسڪر، منگوليا، موزمبيق، نڪاراگئا، نائيجيريا، پاڪستان، پناما، پيرو، فلپائن، سينٽ ڪيٽس، ائنڊتيونس، سينٽ لُوسيا، سينٽ ونسيٽ ۽ گريناڊينس ، سينيگال ، ڏکڻ ڪوريا، سري لنڪا، سرينام، تنزانيه، ترڪي، يوگنڊا، زيمبيا ۽ زمبابوي