Convention on the Prohibition of the Development, Production, Stockpiling and Use of Chemical Weapons and their Destruction. جي اصل نالي سان هن معاهدي تي نيدرلينڊس جي شهر ’هيگ‘ ۾ قائم ڪيل هڪ خانگي اداريOrganisation for the Prohibition of Chemical Weapons (OPCW) جي ڪوششن سان 13-جنوري 1993ع تي پيرس ۽ نيويارڪ ۾ 165 ملڪن صحيون ڪيون ، جڏهن ته 66 رياستن ان جي توثيق ڪئي . ڊسمبر 2010ع تائين انگولا،مصر، برما، اسرائيل، اتر ڪوريا، صوماليا ۽ شام کي ڇڏي معاهدي تي 188 ملڪ صحيون ڪري چڪا آهن . هي معاهدو غير قانوني طريقي سان ڪيميائي هٿيارٺاهڻ ، گڏ ڪرڻ ، استعمال ڪرڻ ۽ وڪڻڻ تي پابندي مڙهيندي عالمي امن جي قيام تي زور ڏئي ٿو . ان کان علاوه دنيا جي فوجي ۽ ڪيميائي مرڪزن تي چوڪسي رکڻ، وٽن موجود هٿيارن جو درست ڪاٿو لڳائڻ ۽ OPCW جي نگرانيءَ ۾ نقصانڪار هٿيارن کي ناس ڪرڻ جو بندوبست ڪرڻ وارو عمل به ان معاهدي ذريعي ممڪن بڻايو وڃي ٿو