ڀـرڻ

اعرابن سان:ڀَـرڻُ

]مص - فعل متعدي[ پر ڪرڻ (پيٽ ۽ کڏ وغيره)

* تار ڪرڻ، چڪار ڪرڻ، ڪناتار ڪرڻ (پاڻيءَ وغيره سان ڪو ٿانءُ)

* ماپڻ (ان وغيره)

* وات ۾ وجهڻ (گـِرانهه)

* پورائي ڪرڻ (نقصان جي)

* ريشم يا سٽ جي گلڪاري ڪرڻ (ڪپڙي وغيره تي)

* پيئارڻ، ادا ڪرڻ (پئسا، فيس يا ڍلَ وغيره)

* کڻڻ (پير، قدم)

’پر تئون پير ڀري، ملهايو مسڪين کي‘ (شاهه)

* ڀيٽڻ (تڪيا)

* لِکي ڏيڻ (دستاويز يا هنڍيءَ جي پٺ)

* ڪارتوس وجهڻ (بندوق ۾)

* تَماڪ وجهڻ (حقي جي ٽوپيءَ يا سلفيءَ ۾)

* بَـرغلائڻ، ڀڙڪائڻ، خلاف ڪرڻ، مڇرائڻ، ڪنهن جي خلاف ڪنن تي ڳالهيون وجهڻ ’ڪن ڀرڻ‘

* ڪئمرا يا ڪئسٽ وغيره ۾ ريڪارڊ ڪرڻ (گانو، تقرير يا ڳالهه ٻولهه وغيره)

* ]سن: ڀر ِ = ڀرڻ[

* [مص] ڀَرڻ

* [امر] ڀَر

* [مضارع] ڀَريان (ج) ڀَريون، ڀَرين (ج) ڀَريو، ڀَري (ج) ڀَرينِ

* [زمان حال ٺاهڻ لاءِ معاون فعل ’ٿو‘ ۽ زمان حال استمراريءَ لاءِ ’پيو‘ جا مذڪر، مونث جمع جا صيغا ڳنڍبا آهن]

* [حال] ڀَري ٿو (ج) ڀَرينِ ٿا

* [حال مث] ڀَري ٿي (ج) ڀَرينِ ٿيون

* [ماضي] ڀَريو (ج) ڀَريا

* [ماضي مث] ڀَري (ج) ڀَريون

* [مستقبل] ڀَريندو (ج) ڀَريندا

* [مستقبل مث] ڀَريندي (ج) ڀَرينديون

* [اسم مفعول] ڀَريلُ

اعرابن سان:ڀِـرَڻُ

]مص - فعل لازمي[ ڦِرڻ، ڦيرو ڪرڻ، چَڪر هَڻڻ، ڦيريون پائڻ

’ميي سيئي ماڻيا، جِت نه ڀَرن ڀؤنرَ‘ (شاهه)

* موٽڻ، ورڻ، واپس اچڻ، ٻيهر اچڻ، ڀيرو ڪرڻ

’آهيان گهڻو اڄاڻ، ڀـِر ُ ڀليرا سپرين‘ (شاهه)

* راضي ٿيڻ، پرچڻ، خوش ٿيڻ

* مهرباني ڪرڻ

* فائدو رسائڻ

* ]سن: ڀرم = ڦرڻ[

’سک ٿي ستيون ڪين سي، ڀـِري ساڻ ڀتار‘ (شاهه)

* [ڀِريو، ڀريا، ڀري، ڀريون، ڀرندو، ڀرندا، ڀرندي، ڀرنديون، ڀريل]

اعرابن سان:ڀُـرَڻُ

]مص - فعل لازمي[ سَنها ذرا ذرا ٿيڻ، اٽو ٿيڻ

* ٽِڙڪي ٽڪرا ٿيڻ، ڀڪا ٿيڻ

* ڏري پوڻ

* خرچ ڪرڻ

* [ڀِـُريو، ڀـُريا، ڀـُري، ڀـُريون، ڀـُرندو، ڀـُرندا، ڀـُرندي، ڀـُرنديون، ڀـُريل]

وڌيڪ نتيجا ڏسو....