(Theatre)

ٿيئٽر يوناني ٻوليءَ جو لفظ آهي جنهن جي معني آهي ’ڏسڻ‘ يا ’نظارو پسڻ. ناٽڪ جي جاءِ يا ناٽڪ گهر. جيئن ته حقيقت ۾ ڊرامو اسٽيج تي عملي طور پيش ڪرڻ لاءِ لکيو ويندو اھي، انھيءَ ڪري اھا جاءِ جتي ڊراما اسٽيج ٿيندو آهي، ان کي ”ٿئيٽر“ سڏيو ويندو آهي. پروفيسر منگھارام ملڪاڻي لکيو آهي ته ”ياد رکڻ گھرجي تھ ناٽڪي فن، ٻين فنن وانگر پاڻ ۾ ئي پورو نھ آھي، جنھن کي صرف ڪتب خاني ۾ ويھي مطالعو ڪجي. ناٽڪ جو اخري مقصد تڏھن پورو ٿيل سمجھبو، جڏھن ناٽڪ گھر (Theatre) ۾ اھو ڪري ڏيکاريو وڃي ۽ رنگ ڀوميءَ (Stage) تي اداڪاري (Acting)، چترڪاري (Painting)، وسترڪاري (Construing)، سنگيت (Music) ۽ ناچ (Dancing) جي ان کي پوري پوري واھر وٺڻي ٿي پوي.“ (وڌيڪ ڏسو پروفيسر منگها رام ملڪاڻيءَ جو ”ادبي اصول“)